-
Çfarë është Mbretëria e Perëndisë?Gëzoje jetën përgjithmonë—Bibla zbulon si
-
-
7. Asnjë ligj s’u afrohet ligjeve të Mbretërisë së Perëndisë
Qeveritë nxjerrin ligje për të mirën e nënshtetasve dhe për t’i mbrojtur ata. Edhe Mbretëria e Perëndisë ka ligje, që nënshtetasit e saj duhet t’u binden. Lexoni 1 Korintasve 6:9-11 dhe më pas diskutoni për këto pyetje:
Si mendon se do të jetë bota kur të gjithë t’u binden ligjeve të Mbretërisë së Perëndisë?a
A të duket e arsyeshme që Jehovai u kërkon nënshtetasve të kësaj Mbretërie t’i zbatojnë këto ligje? Pse?
Ç’prova kemi se edhe një person që nuk u bindet këtyre ligjeve tani, mund të ndryshojë?—Shih vargun 11.
Qeveritë nxjerrin ligje për të mirën e nënshtetasve dhe për t’i mbrojtur ata. Mbretëria e Perëndisë ka ligje edhe më të mira për nënshtetasit e saj
-
-
Çfarë thotë Bibla për seksin?Gëzoje jetën përgjithmonë—Bibla zbulon si
-
-
MËSIMI 41
Çfarë thotë Bibla për seksin?
Shumë njerëz kanë siklet të flasin për seksin. Megjithatë, Bibla flet hapur e në mënyrë dinjitoze për të. Ajo që thotë Bibla për seksin është për të mirën tonë. Kjo është logjike se, tekefundit, Jehovai është Krijuesi ynë dhe e di çfarë është më e mira për ne. Ai na tregon se çfarë duhet të bëjmë që t’i pëlqejmë atij, si dhe çfarë do të na ndihmojë ta gëzojmë jetën përgjithmonë.
1. Cila është pikëpamja e Jehovait për seksin?
Seksi është një dhuratë nga Jehovai. Ai do që kjo dhuratë t’i sjellë kënaqësi një burri e një gruaje të martuar me njëri-tjetrin. Kjo dhuratë nuk është vetëm për të lindur fëmijë, por edhe që një çift të shprehë dashurinë dhe përzemërsinë ndaj njëri-tjetrit, në mënyrë të natyrshme dhe që u sjell kënaqësi. Prandaj, Fjala e Perëndisë thotë: «Gëzofsh me gruan e rinisë sate!» (Proverbat 5:18, 19) Jehovai pret që të krishterët e martuar të jenë besnikë e të mos e tradhtojnë kurrë njëri-tjetrin.—Lexo Hebrenjve 13:4.
2. Çfarë është imoraliteti seksual?
Bibla thotë se «imoralët . . . nuk do ta trashëgojnë Mbretërinë e Perëndisë». (1 Korintasve 6:9, 10) Shkrimtarët e Biblës përdorën fjalën greke porneía për të përshkruar imoralitetin seksual. Kjo fjalë përfshin (1) marrëdhëniet seksualea mes personave që nuk janë të martuar me njëri-tjetrin, (2) homoseksualizmin dhe (3) marrëdhëniet seksuale me kafshët. Kënaqim Jehovain dhe nxjerrim dobi edhe vetë, kur ‘i rrimë larg imoralitetit seksual’.—1 Selanikasve 4:3.
SHQYRTO MË TEJ
Shqyrto si mund t’i qëndrosh larg imoralitetit seksual dhe ç’të mira vijnë kur qëndron i pastër moralisht.
3. Ik nga imoraliteti seksual
Jozefi, një burrë besnik, i tha jo një gruaje që donte të bënte seks me të. Lexoni Zanafillën 39:1-12 dhe më pas diskutoni për këto pyetje:
Çfarë e shtyu Jozefin t’ia mbathte?—Shih vargun 9.
A mendon se Jozefi bëri zgjedhjen e duhur? Pse?
Si mund ta imitojnë Jozefin të rinjtë sot dhe të ikin nga imoraliteti seksual? Shihni VIDEON.
Jehovai do që t’i themi jo imoralitetit. Lexoni 1 Korintasve 6:18 dhe më pas diskutoni për këto pyetje:
Cilat situata mund ta shtyjnë dikë që të kryejë imoralitet seksual?
Si mund të ikësh nga imoraliteti?
4. Mund t’i rezistosh tundimit
Pse nuk është e lehtë t’i rezistojmë tundimit për të kryer imoralitet seksual? Shihni VIDEON dhe më pas diskutoni për pyetjen që vijon.
Çfarë bëri vëllai në video kur kuptoi se mendimet dhe veprimet e tij mund ta shtynin të mos i qëndronte besnik gruas?
Ndonjëherë, edhe të krishterëve besnikë u duhet të luftojnë që t’i mbajnë të pastra mendimet. Si mund t’i luftosh mendimet imorale? Lexoni Filipianëve 4:8 dhe më pas diskutoni për këto pyetje:
Për cilat gjëra duhet të mendojmë?
Pse kur lexojmë Biblën dhe bëjmë çmos për të bërë vullnetin e Jehovait, e kemi më të lehtë t’i themi jo tundimit për të mëkatuar?
5. Standardet e Jehovait janë për të mirën tonë
Jehovai e di se çfarë është më e mira për ne. Ai na tregon si të qëndrojmë të pastër moralisht dhe ç’të mira vijnë nga kjo. Lexoni Proverbat 7:7-27 ose shihni VIDEON dhe më pas diskutoni për pyetjet që vijojnë.
Si përfundoi i riu në një situatë tunduese?—Shih Proverbat 7:8, 9.
Sipas Proverbave 7:23, 26, imoraliteti seksual sjell pasoja të rënda. Çfarë problemesh shmangim kur qëndrojmë të pastër moralisht?
Si na ndihmon pastërtia morale ta gëzojmë jetën përgjithmonë?
Disa mendojnë se pikëpamja e Biblës për homoseksualizmin, tregon mungesë dashurie. Por, Jehovai është Perëndia i dashurisë, ndaj do që ta gëzojmë jetën përgjithmonë. Ama, nga ne pritet që të jetojmë sipas standardeve të tij. Lexoni 1 Korintasve 6:9-11 dhe më pas diskutoni për këtë pyetje:
Sipas pikëpamjes së Perëndisë, a janë vetëm dëshirat homoseksuale të papërshtatshme?
Të gjithë duhet të bëjmë ndryshime që t’i pëlqejmë Perëndisë. Por, a ia vlejnë përpjekjet? Lexoni Psalmin 19:8, 11 dhe më pas diskutoni për këtë pyetje:
A të duken të arsyeshme standardet morale që ka vendosur Jehovai? Pse?
Jehovai ka ndihmuar shumë veta të jetojnë në përputhje me normat e tij morale. Ai mund të të ndihmojë edhe ty
DISA THONË: «Ç’të keqe ka nëse dy persona që e duan njëri-tjetrin kryejnë marrëdhënie seksuale?»
Çfarë do t’u thoshe?
PËRMBLEDHJE
Seksi është një dhuratë nga Jehovai që i sjell kënaqësi një çifti të martuar.
Si do të përgjigjeshe?
Çfarë përfshin imoraliteti seksual?
Çfarë do të na ndihmojë t’i qëndrojmë larg imoralitetit?
Çfarë të mirash vijnë kur ndjekim normat morale të Jehovait?
EKSPLORO
Mëso pse Perëndia do që një çift që bashkëjetojnë, të jenë të martuar me njëri-tjetrin.
«Çfarë thotë Bibla për bashkëjetesën pa qenë të martuar?» (Artikull në jw.org)
Mëso pse Bibla nuk nxit urrejtje ndaj homoseksualëve, edhe pse e dënon qartë këtë sjellje.
Mëso pse ligjet e Jehovait për seksin janë mbrojtje për ne.
Në historinë me titull «Më trajtuan me dinjitet», shiko se çfarë e motivoi një homoseksual të ndryshonte mënyrën e jetesës për t’i pëlqyer Perëndisë.
a Këto marrëdhënie seksuale të papërshtashme përfshijnë një sërë veprimesh, si seksin oral, seksin anal dhe përkëdheljen e organeve gjenitale të dikujt tjetër.
-
-
Po nëse bën një mëkat të rëndë?Gëzoje jetën përgjithmonë—Bibla zbulon si
-
-
Edhe pse e do Jehovain me gjithë shpirt dhe përpiqesh fort të mos e lëndosh, me raste do të bësh gabime. Ama disa gabime janë më të rënda se të tjerat. (1 Korintasve 6:9, 10) Nëse bën një mëkat të rëndë, mos harro se Jehovai të do. Ai është gati të të falë dhe të të ndihmojë.
1. Ç’duhet të bëjmë që Jehovai të na falë?
Dikush që e do Jehovain ndihet përtokë kur e di se ka kryer një mëkat të rëndë. Por e ngushëllon premtimi që Jehovai i ka bërë popullit të tij: «Edhe pse mëkatet tuaja janë të kuqe flakë, do të bëhen të bardha si bora.» (Isaia 1:18) Nëse pendohemi vërtet, Jehovai do të na falë plotësisht. Si e tregojmë se jemi penduar? Të shtyrë nga keqardhja e thellë, nuk vazhdojmë më në rrugën e shtrembër dhe i lutemi Jehovait që të na falë. Më pas, punojmë fort për të ndryshuar mënyrën e gabuar të të menduarit ose për të hequr veset që na kanë çuar drejt mëkatit. Gjithashtu përpiqemi të jetojmë sipas standardeve të pastra të Jehovait.—Lexo Isainë 55:6, 7.
2. Si na ndihmon Jehovai me anë të pleqve kur kemi bërë ndonjë mëkat?
Nëse bëjmë një mëkat të rëndë, Jehovai na thotë ‘të thërrasim pleqtë e kongregacionit’. (Lexo Jakovin 5:14, 15.) Këta vëllezër të emëruar e duan Jehovain dhe delet e tij. Ata janë të kualifikuar që të na ndihmojnë të rivendosim miqësinë me Jehovain.—Galatasve 6:1.
Si na ndihmojnë pleqtë kur kemi bërë ndonjë mëkat të rëndë? Duke përdorur shkrimet, dy ose tre pleq do të na tregojnë pse ajo që kemi bërë është e gabuar. Gjithashtu do të na japin sugjerime e këshilla praktike për të na ndihmuar që të mos e përsëritim mëkatin. Kur dikush që ka kryer një mëkat të rëndë, nuk pendohet, pleqtë e heqin nga kongregacioni që të mos ndikojë për keq te të tjerët.
SHQYRTO MË TEJ
Mëso më shumë dhe thello mirënjohjen për ndihmën që na jep Jehovai kur kemi bërë një mëkat të rëndë.
3. Kur e rrëfejmë mëkatin, rivendosim miqësinë me Jehovain
Çdo mëkat që bëjmë, ndikon te Jehovai. Ja pse duhet t’ia rrëfejmë atij. Lexoni Psalmin 32:1-5 dhe më pas diskutoni për këtë pyetje:
Pse është më mirë t’ia rrëfejmë mëkatet Jehovait në vend se të përpiqemi t’i fshehim?
Pasi t’ia kemi rrëfyer mëkatet Jehovait, diçka tjetër që do të na ndihmojë shumë, është të kërkojmë ndihmën e pleqve. Shihni VIDEON dhe më pas diskutoni për pyetjen që vijon.
Siç tregohet në video, si e ndihmuan pleqtë Kenonin të rikthehej te Jehovai?
Duhet të flasim hapur e të tregohemi të sinqertë me pleqtë; ata duan të na ndihmojnë. Lexoni Jakovin 5:16 dhe më pas diskutoni për këtë pyetje:
Pse pleqtë e kanë më të lehtë të na ndihmojnë kur tregohemi të sinqertë me ta?
Rrëfe mëkatin, tregohu i sinqertë me pleqtë dhe prano ndihmën e dashur të Jehovait
4. Jehovai tregon mëshirë ndaj mëkatarëve
Nëse dikush ka bërë një mëkat të rëndë dhe nuk pranon të ndjekë standardet e Jehovait, ai hiqet nga kongregacioni, dhe ne nuk shoqërohemi më me të. Lexoni 1 Korintasve 5:6, 11 e më pas diskutoni për këtë pyetje:
Ashtu si majaja e bën brumin të vijë, si do të ndikonte te kongregacioni shoqërimi me një mëkatar të papenduar?
Duke imituar mëshirën e Jehovait kundrejt mëkatarëve të papërsosur, pleqtë përpiqen t’i ndihmojnë ata që janë hequr nga kongregacioni. Shumë veta janë rikthyer në kongregacion, ngaqë disiplina, edhe pse mund të ketë qenë e dhimbshme, i ka sjellë në vete.—Psalmi 141:5
• Si e tregon Jehovai se është i arsyeshëm, i mëshirshëm dhe i dashur me mënyrën si vepron me mëkatarët?
5. Jehovai na fal kur pendohemi
Jezui përdori një ilustrim për të na treguar si ndihet Jehovai kur dikush pendohet. Lexoni Lukën 15:1-7 dhe më pas diskutoni për këtë pyetje:
Çfarë mëson për Jehovain nga ky ilustrim?
Lexoni Ezekielin 33:11 dhe më pas diskutoni për këtë pyetje:
Cilin hap të rëndësishëm përfshin pendimi?
Ashtu si një bari, Jehovai ka merak të thellë për delet e tij
DISA THONË: «Kam frikë se po t’u them pleqve ç’kam bërë, do të më heqin nga kongregacioni.»
Çfarë do t’i thoshe dikujt që ndihet kështu?
PËRMBLEDHJE
Nëse bëjmë një mëkat të rëndë, por ndiejmë keqardhje të thellë dhe jemi të vendosur të mos e përsëritim, Jehovai do të na falë.
Si do të përgjigjeshe?
Pse është mirë t’ia rrëfejmë mëkatet Jehovait?
Ç’duhet të bëjmë që Jehovai të na i falë mëkatet?
Pse duhet të kërkojmë ndihmën e pleqve nëse bëjmë një mëkat të rëndë?
EKSPLORO
Shiko si një burrë provoi mëshirën e Jehovait, e cila përshkruhet tek Isaia 1:18.
Si përpiqen pleqtë të ndihmojnë ata që kanë bërë një mëkat të rëndë?
«Pleq—Përgjigjjuni mëkatit me dashuri e mëshirë» (Kulla e Rojës, gusht 2024)
Shqyrto si u tregohet dashuri dhe mëshirë mëkatarëve të papenduar.
«Pleq—Ndihmoni ata që janë hequr nga kongregacioni» (Kulla e Rojës, gusht 2024)
Në historinë me titull «Duhej të kthehesha te Jehovai», mëso se si një burrë që ishte larguar nga e vërteta, kuptoi që Jehovai e kishte tërhequr sërish.
-