„Soema ben leri sabi na denki foe Jehovah?”
„Bika ’soema ben leri sabi na denki foe Jehovah, osoema ben tron en raiman?’” — ROMEINI 11:34; JESAJA 40:13, Griki Septuagintavertaling.
1. (a) Sortoe aksi di e meki joe go denki Paulus ben teki poeroe foe Jesaja 40:13? (b) Fa ai gebroiki wan tra wortoe leki ben gebroiki na ini na fosi Hebrewtekst na ini a pisi di a ben teki poeroe?
NA NAATSI Israël foe owroeten ben kisi moro leki 2700 jari psa kaba wan aksi di ben meki joe go denki, èn di wan fosten djoe Fariséman ben teki poti na ini en brifi, na ini Romeini 11:34: „Bika ’soema ben leri sabi na denki foe Jehovah, ofoe soema ben tron en raiman?’” Na apostel Paulus ben teki na aksi poeroe foe Jesaja 40:13 soleki a de na ini na owroe Griki Septuaginta-vertaling, pe tapoe na presi disi a wortoe „denki”, (nous) e gebroiki na presi foe na wortoe gi „jeje” di ben de na ini na fosi Hebrewtekst.
2. San den e bedoel na ini a geval foe libisma nanga na wortoe „denki”? Gi wan eksempre foe disi.
2 San e bedoel now nanga den wortoe „na denki foe Jehovah”? Ini oen geval leki libisma den e bedoel nanga „denki” na fasi foe denki. Foe eksempre, wi kan ’kenki wi denki’ foe abi na srefi „jeje fasi . . . leki ben de ooktoe na ini Kristus Jezus” (Filippisma 2:5; loekoe ooktoe Genesis 11:6). San wi man nanga wi ferstan de moro hé leki di foe sortoe meti toe.
3-5. (a) San e kon na krin na ini Jesaja 55:8, 9 na ini a tori foe na „denki” foe Jehovah? (b) Foe san-ede den wortoe di Paulus bari taki foe den na ini Romeini 11:32 no de wan ferwondroe sani? (c) San na apostel Paulus e bedoel nanga den wortoe ini Romeini 11:34? (d) Foe san-ede meki den skrifiman bifo na ten foe Kristus no ben man sabi na „denki” foe Jehovah?
3 San Jehovah Gado na Mekiman ben abi na ini en denki, noso na ini en prakseri, de omeni tron moro hé leki san wi leki onvolmaakti libisma kan denki noso san wi ben kan kon a tapoe foe wisrefi. Na ini a profétitori foe Jesaja 55:8, 9 ai noti prakseri na tapoe na prenspari sani disi. „’Bika den prakseri foe oenoe no de mi prakseri, ooktoe den pasi foe mi no de oen pasi’, na so den wortoe foe Jehovah de. ’Bika soleki den hemel hé moro leki grontapoe, na so mi pasi hé moro leki oenoe pasi, èn mi prakseri leki oenoe prakseri.’” Soboen a abi wan moro betre sani ini prakseri gi wi leki libisma di a ben meki, spesroetoe gi den nanga soema a de na ini wan verbontoe, èn san wi leki mekisani dja na grontapoe no ben sa kan denki oiti foe en. A no de wan ferwondroe sani soboen dati baka di na „apostel foe den naatsi” ben taki foe wan aparti pisi foe na seti foe Jehovah èn ben leg uit fa a ben kon troe, a ben kisi na firi foe bari taki: „O den dipi foe na goedoe foe Gado èn koni èn sabi! Fa den kroetoe foe en no de foe ferstan èn fa den pasi foe en no de foe feni!” (Romeini 11:13, 33) A de wan sani di de séker dati no wan sma ben go feni bifo Gado den pasi foe Gado gi en. Foe dat’ede meki na apostel ben taki moro fara: „Bika ’soema ben leri sabi na denki [noun] foe Jehovah, ofoe soema ben tron en raiman?’” (Romeini 11:34) Na Petrus Canisius vertaling ben taki dja: „Soema tog e sabi na prakseri foe Masra, ofoe soema ben de en raiman?”
4 Nanga den wortoe disi na apostel no e bedoel, dati a de wan sani di no kan foe sabi noso ferstan na denki noso prakseri foe Gado baka te en ben tjari dati kon a krin. Nono! Bika Gado ben tjari tapoe den bladzijde foe en wortoe, na Santa Boekoe, en prakseri kon a krin gi wi libisma. San na apostel e bedoel de, dati no wan enkri sma oiti foe ensrefi èn bifo Gado ben seti en prakseri dati a sma nanga en égi denki-powa ben sa kan feni a srefi sani! No wan enkri sma oiti ben kan tjari wan sani kon na krin bifo Gado srefi ben tjari en kon na krin. Ija, no wan enkri sma oiti ben leri sabi „na denki foe Jehovah” troetroe bifo Gado ben tjari en prakseri kon na krin na ini na bijbel. No wan foe den skrifiman ini a ten foe Kristus foe den fosi 39 boekoe foe den Santa Boekoe ben man doe disi, no srefi na giman foe wet Mozes.
5 No wan sma foe eksempre ben kan ferstan san Jehovah ben denki ofoe ben abi na ini prakseri di a ben go boemoei nanga Abraham nanga en siri, èn no wan sma ben kan ferstan san ala disi ben abi foe doe nanga den sani di ben psa na ini na fosi jarhondro G.T.
Jehovah „denki” ini a tori foe na „olijfbon”
6. (a) Foe sortoe pramisi den taki foe den na ini Romeini kapitel 11? (b) Fa Abraham ben kisi troe-troe wan bigi grani, èn leki wan bakapisi foe san?
6 Na ini kapitel 11 foe Romeini na apostel Paulus ben taki te nanga vers 34 foe na „siri foe Abraham” di den ben taki foe en na fesi. Leki fa na tori e taki di Mozes ben skrifi na ini Genesis 12:3 èn 22:17, 18 dan Jehovah Gado ben pramisi dati a ben sa blesi na owroe famiri-edeman Abraham nanga jepi foe en bakapikin, ofoe „siri”; na ini na siri disi, ofoe nanga jepi foe en na Gado foe Abraham ben sa blesi ala famiri nanga naatsi na tapoe grontapoe tapoe en reti ten. Fa a de wan grani foe de na erfgenaam foe sowan moi pramisi èn fa a ben de wan paiman gi Abraham foe ben tron erfgenaam foe na pramisi dati leki wan bakapisi foe en bribi nanga a gi di a ben gi jesi.
7. (a) San den pisi foe na agersi „olijfbon” e prenki? (b) Den „bontaki” ben kon ini aanmerking foe san? (c) San na ini na „denki” foe Jehovah ben moe kon na krin ete na ini na tori foe na „siri”?
7 Na apostel e teki na sani san Jehovah ben abi biginbigin na ini prakseri gersi nanga na ontwikkeling foe wan olijfbon, wan bon di ben de foeroe na ini en tatakondre Israël. Ini akroederi nanga na prenki disi dan Abraham srefi ben de na roetoe foe na agersi olijfbon. Na bon-foetoe, di ben gro komoto foe Abraham leki na agersi roetoe, ben de en lobi manpikin Izaäk, en granpikin Jakob noso Israël, èn den twarfoe manpikin foe Jakob, den fosten tata foe den twarfoe lo foe Israël. Foe nature a ben de so dati ala den bakapikin foe den twarfoe famiri-edeman dati ben de bontaki na a agersi olijfbon dati. Na a fasi dati den ben kon de langalanga ini lin foe den ben kan feni den boen foe kan tron na pramisi „siri foe Abraham”, nanga jepi foe soema ala famiri nanga naatsi foe grontapoe ben sa kon kisi blesi akroederi Jehovah lobi-ati prakseri ofoe „denki”. Ma san wi no ben sabi foe na „siri” disi, ben de dati a no ben sa de wan siri na skin fasi, di na wan natuurlek fasi ben komoto foe na famiri edeman Abraham, bika a ben sa de wan jeje „siri”. Na papa foe na „siri” ben sa de wan sma di ben de moro bigi leki Abraham, moro hé leki en. A no ben de no wan tra sma noro leki na bigi Gi-libiman, Jehovah Gado srefi. Soema ben sa de now na moro prenspari wan foe na „siri” disi?
8. (a) Fa Jezus ben de a sma di ben de moro bigi leki Izaäk? (b) Foe san-ede meki na srakti-ofrandi foe Jezus nanga en opobaka go na hemel ben de fanowdoe foe blesi ala famiri foe grontapoe?
8 A ben sa de wan sma di ben sa de moro bigi leki Izaäk, na manpikin di Abraham ben kisi di a ben de boen owroe kaba. A ben de na „libisma Kristus Jezus”, wan bakapikin foe Izaäk ma moro bigi leki Izaäk èn en manpikin Jakob ofoe Israël, èn den twarfoe manpikin foe Jakob ofoe Israël, den twarfoe fundamenti foe na naatsi Israël (1 Timotéus 2:5). Na bébi di den ben sa kari Jezus, ben de na „Manpikin foe Gado”, bika nanga jepi foe na jeje foe Gado a ben poti go na ini na moeroe foe en mama Maria di ben de wan wenke. Te joe e loekoe en boen dan en libi na ini na jeje kondre ben abra go na a moeroe foe Maria, èn en masra, Jozef ben de soso na grontapoe kweki-tata foe Jezus (Lukas kapitel 1-3). Ma leki wan libisma na grontapoe Jezus no ben gersi taki a de na sma di ben sa blesi ala famiri nanga naatsi foe grontapoe. A de troe dati Jezus, nanga en volmaakti, sondro sondoe libisma srakti-ofrandi di a ben tjari na ini 33 G.T. tapoe Kalvari dorosé foe Jeruzalem, kan dini leki blesi foe na heri libisma famiri. Ma na tapoe na di foe dri dé foe en dede ini 33 G.T. Jehovah Gado en hemel Tata, ben wiki en poeroe foe dede èn bakadati a ben meki Jezus drai go baka na hemel leki wan jeje manpikin foe Gado. A foe na presi dati ai blesi ala famiri nanga naatsi foe na grontapoe.
9. (a) Sortoe moro bigi betekenis na agersi olijfbon e kisi now? (b) O bigi na nomroe foe den jeje bontaki de èn fa wi sabi disi? (c) Fa Galaciasma 3:28, 29 e tjari disi kon na krin gi wi foe den „bontaki”?
9 Te wi loekoe en foe na sé disi dan na agersi fasi foe na olijfbon di na apostel ben gebroiki e kisi wan njoen èn moro bigi betekenis. Na „roetoe” foe na jeje olijfbon dati ben de Jehovah Gado na bigi Gi-libiman foe ala sma, Na Sma di de moro bigi leki na famiri-edeman Abraham. Na wan enkri gebore manpikin foe na moro bigi Abraham disi ben de Jezus Kristus, Na sma di de moro bigi leki Izaäk. Na moro bigi Izaäk disi ben de na edeman foe na kristen gemeente, di na jeje foe na Moro Bigi Abraham, Jehovah Gado ben meki kon njoen gebore. Den memre foe na kristen gemeente de den jeje bontaki di e sproiti komoto foe na theocratis olijfbon disi, èn Openbaring 7:1-8 èn 14:1-3 e taki taki a nomroe foe den te foe kaba sa tron 144.000. Foe dat’ede meki wi e lési na ini Galaciasma 3:28, 29: „Dja no wan djoe ofoe Griki de moro, no wan srafoe ofoe friman, no man ofoe oema bika oen alamala de wán soema ini wánfasi nanga Kristus Jezus. Boiti dati, efoe joe de foe Kristus, dan joe de troetroe na siri foe Abraham, erfgenaam ini a tori foe wan pramisi.”
10. (a) Soema ben de den fosiwan di den ben feni boen foe tron jeje bontaki? (b) Soema foe den „ben kisi jepi” èn sortoe profétitori ben teki foe agersi disi?
10 Den djoe na skinfasi foe na ten foe Jezus, foe di den ben de en brada na skinfasi, leki natuurlek bakapikin foe na fimiri-edeman Abraham meki den ben abi na okasi leki den fosiwan foe tron „bontaki” na a jeje olijfbon dati. Via na mindriman Mozes den ben teki poti na ini na Wetverbontoe nanga na moro bigi Abraham. Jezus Kristus ben kon langalanga na no wan tra sma na grontapoe leki na „den lasi skapoe foe na oso foe Israël” (Mattéus 10:6). Den fosiwan di ben tron „bontaki” na a jeje olijfbon dati, foe san Jehovah Gado ben de a bonroetoe ben de foe dat’ede djoe na skinfasi, den twarfoe getrow apostel foe Jezus Kristus èn doesoendoesoen tra djoe na skinfasi. Ma soleki Jesaja 10:22 ben taki a fesi, dan soso wan pikin „fika pisi” foe den djoe na skinfasi „ben kisi jepi” foe tron wan pisi foe na siri foe na moro bigi Abraham èn foe de erfgenaam foe na pramisi di ben gi na en. Paulus e teki na profétitori disi èn taki foe en na ini Romeini 9:27.
11. (a) Oten den ben broko toekomstige „bontaki” poeroe? (b) Fa „taki” foe wan wilde olijfbon ben enter now, èn tapoe sortoe olijfbon?
11 Na broko poeroe foe den toekomstig „bontaki” foe a „siri foe Abraham” ben bigin nanga na bekering foe Samaritaansma di ben besnij èn ben gro dri nanga afoe jari baka na dede èn opobaka foe Jezus Kristus, na moro bigi Izaäk, nanga ala krakti. Na a momenti dati na apostel Petrus ben bekeer den fosi no-djoe bribiman di no ben besnij — na Romeini edeman foe hondro Cornelius nanga en osofamiri èn mati di ben e bribi. Baka di na jeje foe Jehovah ben meki den gebore njoen èn den ben kisi salfoe nanga na jeje, den ben dopoe den (Tori foe den Apostel kapitel 10). Na so fasi den „bontaki” foe wan wilde olijfbon ben ènter tapoe na jeje olijfbon foe san Jebovah Gado ben de na „roetoe” di e gi libi.
12. (a) San bo psa efoe „bontaki” di benbroko poeroe ben abi beraw? Gi wan eksempre foe disi? (b) Foe san disi ben de wan marki? (c) Fa wi moe doe neleki na apostel Paulus tapoe sowan openbaring foe a „denki” noso „prakseri” foe Jehovah?
12 Ma efoe wantoe foe den djoe na skinfasi di ben broko poeroe ben loekoe na situwasi foe den boen baka èn ben sori beraw soleki Aquila nanga Priskilla, dan den ben sa ènter den poti baka na ini na jeje grani di na djoe naatsi ben lasi foe di den no ben sori bribi na ini na moro bigi Izaäk, Jezus Kristus (Tori foe den Apostel 18:1-4, 26; Romeini 16:3; 1 Korintesma 16:19). Disi ben de wan sori foe na lobi boen-atifasi foe Jehovah Gado, na Moro Bigi Abraham. So wan lobi foe gi sma sani di joe kan ferwondroe foe en foe na sé foe Jehovah Gado gi den djoe na skinfasi, di Gado ben si te now ete leki lobiwan foe den fosten tata foe den ede, ben meki na apostel bari taki: „O na dipi foe na goedoe nanga koni nanga sabi foe Gado!” Na tjari kon na krin foe disi „denki” ofoe „prakseri” foe Jehovah e wiki ooktoe ini joe wan dipi firi foe warderi?
Lobi Gado nanga wi heri ati èn nanga wi heri ferstan
13, 14. (a) Fa Gado ben gi a wet, èn nanga sortoe marki? (b) San Jezus ben taki foe a wet dati èn tapoe sortoe „ati” a ben poti prakseri dja? (c) Sortoe toe komando Jezus ben teki, èn foe san-ede wi moe hori den?
13 Jehovah Gado ben sroto wan verbontoe nanga na siri na skinfasi foe na famiri edeman Abraham, na naatsi Israël, wan verbontoe pe na proféti Mozes doe wroko leki mindriman. Dati ben de langa ten psa kaba na ini na jari 1513 bifo G.T. Na ini na bigi sabana foe a Sinaï-schiereilanti èn na a bergi Sinaï. Na drape a ben gi den a wet foe en. Foe na wet disi na apostel Paulus ben skrifi: „Foe dat’ede meki na wet tron wi lerimeester di e tjari wi go te na Kristus, sodati leki wan bakapisi foe wi bribi den ben sa verklari wi regtvaardiki” (Galaciasma 3:24). San Jezus Kristus ben taki now foe na wet di ben gi via Mozes? Di den ben aksi Jezus san ben „de a moro bigi komando” foe na wet sistema, a ben piki: „Oenoe moe lobi Jehovah, oen Gado nanga heri oen ati [Griki: kárdia] èn nanga heri oen sili [psuche] èn nanga heri oen ferstan [dianoi’a]. Disi de na moro bigi èn fosi komando. Na di foe toe, di de gelijk nanga disi, de: ’Joe moe lobi joe naaste leki joesrefi.’ A den toe komando disi na heri wet nanga den proféti e anga” (Mattéus 22:35-40). Djaso wi e si fa den e tjari na ati nanga a ferstan kon akroederi nanga makandra èn disi e sori dati na „ati” gebroiki dja na agersifasi.
14 Jezus ben teki wan pisi foe Deuteronomium 6:5 pe tanapoe: „Èn oenoe moe lobi Jehovah oen Gado nanga heri oen ati [Hebrewtongo: lebáb] èn heri oen sili [néfesj] èn heri oen libikrakti.” Èn ooktoe foe Leviticus 19:18: „Èn oenoe moe lobi oen naaste leki oensrefi. Mi na Jehovah.” Jezus ben si den toe komando disi soboen leki a moro bigi wan, èn boiti foe wan leki a moro bigi wan foe den gebot foe na wetverbontoe foe Mozes. Na ini a ten disi wi no de na ondro na wet foe Mozes, ma den fundamenti marki dati no kon owroe. Wi moe hori den.
15. (a) San e boewégi na ati foe a skin, èn fa a e wroko? (b) Sortoe kroederi de a mindri na ati foe na skin na wan sé èn den ede-tonton nanga ferstan na a tra sé?
15 Wi sabi dati a de na „jeje foe libi” di e boewégi na ati foe na skin (Openbaring 11:11; Genesis 7:22). Na libikrakti disi e tjari na ati di de foe meti kon na ini boewégi na so wan fasi, dati na orgaan disi e pompoe na broedoe foe libi go na ala pisi foe na libisma skin, ooktoe na den ede-tonton. Jehovah Gado ben taki: „A sili [néfesj] foe ibri sortoe foe skin de en broedoe nanga na sili di de na ini. Foe dat’ede meki mi ben taigi den manpikin foe Israël: ’Oenoe no mag foe njan na broedoe foe no wan enkri sortoe foe meti bikasi na sili foe ibri sortoe foe meti de ini en broedoe’” (Leviticus 17:14). Efoe na heri skin wani foe libi, dan na ati di de na ini na skin moe poesoe a broedoe di e hori na libi go na ala pisi foe en, efoe a waka lontoe foe a broedoe disi e kon nanga na ati foe wan sma di Gado ben gi en, efoe nanga wan ati di den koti poeroe ini na skin foe wan tra sma efoe nanga wan masjien-ati di no e firi èn no de foe meti. Na so a broedoe e pompoe go na den edetonton, den denkivermogen e kisi krakti èn na ferstan e wroko. A de foe dat’ede ooktoe krin dati na ati ini na skin e gi na edetonton njanjan foe di a e sorgoe dati a kisi na broedoe di abi na wroko-krakti foe libi, na, „jeje foe libi”. Efoe wan sma de now na en ferstan ofoe no, na ati e tan pompoe na broedoe go na den edetonton, èn na ala tra pisi foe na skin.
16. (a) Leki fa na bijbel e sori dan san na na agersi ati? (b) San a wani taki dati wi moe lobi Jehovah nanga ’na heri ati’? (e) Fa wi lobi en nanga wi heri „ferstan”?
16 Ma meki wi go loekoe moro fara leki na letterlek ati di de foe libi weefsel. Na ini a fasi fa a bijbel e taki, dan na ati e teki presi foe a sdonpresi foe den réde di e bewégi na ati èn ooktoe foe den firi. Disi na a agersi ati, na inisé sma foe wi te joe loekoe en boen. Ini 1 Petrus 3:4 den e skrifi foe en leki „na kibri persoon foe na ati” (NW) ofoe „na inisésma” (Leidse vertaling). Soboen, wi de na ondro na komando foe lobi Jehovah Gado nanga ’na heri ati’. Ooktoe a bijbel e komanderi wi foe lobi Jehovah Gado nanga wi heri sili nanga wi heri persoon. Disi e aksi dati wi lobi na wán libi èn troe Gado, na Almaktiwan, nanga wi heri libikrakti èn gebroiki ala wi energie foe doe na wani foe Gado di a tjari kon na krin èn foe doe dorodoro en wroko na ini na „bosroiti foe na seti foe sani disi” (Mattéus 24:3). Na sé foe disi wi moe lobi na Gado foe na bijbel nanga wi heri „ferstan”, wi ferstan vermogen. — Markus 12:29-31.
17. (a) Foe san wi kan de séker efoe wi lobi Jehovah nanga wi heri ati èn wi heri ferstan? (b) Leki fa Filippisma 4:7 taki dan fa na vréde foe Gado e wroko tapoe wi ati nanga wi ferstan?
17 A no de foe taki, efoe wi sori Jehovah Gado na lobi disi nanga wi heri ati nanga wi heri ferstan, a sa jere wi begi nanga prisiri èn na djaranti disi sa fri wi foe broko-ede. Wi sa prisiri foe na vréde di na djoegoedjoegoe grontapoe disi no sabi èn no kan ferstan. Fa dati doe kon? Foe di, soleki na apostel Paulus ben gi den owroe kristen na ini na owroe Filippi na djaranti; „na vréde foe Gado di e psa ala prakseri [Griki: noun] . . . sa kibri joe ati [kárdias] nanga joe jeje vermogen [noémata: „prakseri!”, Willibrord-vertaling: „denki”, PC] nanga jepi fow Jezus Kristus” (Filippisma 4:7). Na so fasi oen agersi ati no sa kon na ini faja nanga den fowtoe réde foe bewégi foe ati èn firi, èn na ferstan foe wi no sa broeja èn kon ini wan kron fasi foe denki. Wan kristen sa tan hori doro tapoe en pasi akroederi na bijbel di Gado santa jeje skrifi èn nanga jepi foe na tiriman, Kristus Jezus.
Joe kan piki den aksi disi?
◻ San wi e bedoel nanga na „denki” foe Jehovah?
◻ Fa Paulus ben gebroiki na theokratis olijfbon leki wan eksempre foe na „denki” foe Jehovah?
◻ San na a agersi „ati”?
◻ Fa „ati” èn „ferstan” abi foe doe nanga na lobi foe Gado?
[Prenki na tapoe bladzijde 2]
Na theocratise olijfbon: trangajesi djoe „taki” ben broko poeroe èn Samaritaansma di ben kenki den libi nanga heidensma di no ben besnij ben poti na den presi
[Prenki na tapoe bladzijde 4]
Na ati foe a skin e pompoe broedoe di e hori sma na libi go na na edetonton