Incwadzi Yekucala YeTikhronike

9 Onkhe ema-Israyeli abalwa ngemindeni yawo futsi abhalwe eNcwadzini Yemakhosi aka-Israyeli. EmaJuda atsatfwa atfunjelwa eBhabhulona ngenca yekungetsembeki kwawo.+ 2 Bekucala lababuyela endzaweni yabo emadolobheni akubo bekungulamanye ema-Israyeli, baphristi, emaLevi netisebenti tasethempelini.*+ 3 Labanye kwaba yintalelwane yaJuda,+ yaBhenjamini,+ ya-Efrayimu kanye neyaManase leyayihlala eJerusalema, lokufaka ekhatsi: 4 Uthayi indvodzana ya-Amihudi indvodzana ya-Omri indvodzana ya-Imri indvodzana yaBani, intalelwane yaPheresi+ indvodzana yaJuda. 5 Entalelwaneni yaShilo kwaba ngu-Asaya litibulo kanye nemadvodzana akhe. 6 Emadvodzaneni aZera,+ kwaba nguJehuweli kanye nabomnakabo labangu-690.

7 Entalelwaneni yaBhenjamini bekunguSalu indvodzana yaMeshulamu indvodzana yaHodaviya indvodzana yaHasenuwa, 8 Ibhiniya indvodzana yaJerohamu, Ela indvodzana ya-Uzi indvodzana yaMikhri kanye naMeshulamu indvodzana yaShefathiya indvodzana yaRehuweli, indvodzana ya-Ibhiniya. 9 Bomnakabo ngeluhla lwekutalana bebangu-956. Onkhe lamadvodza bekatinhloko temindeni yakubo.

10 Kubaphristi bekunaJedaya, Jehoyaribi, Jakhini,+ 11 Azariya indvodzana yaHilkiya, indvodzana yaMeshulamu, indvodzana yaSadoki, indvodzana yaMerayothi, indvodzana ya-Ahitubi, umholi wendlu* yaNkulunkulu weliciniso, 12 Adaya indvodzana yaJerohamu, indvodzana yaPhashuri, indvodzana yaMalkhiya, Masayi indvodzana ya-Adiyeli, indvodzana yaJazera indvodzana yaMeshulamu, indvodzana yaMeshilemithi, indvodzana ya-Imeri, 13 nabomnakabo, tinhloko temindeni yakubo, emadvodza langemachawe futsi lanelikhono langu-1 760 lebekalungele kusebenta endlini yaNkulunkulu weliciniso.

14 KumaLevi, bekunaShemaya+ indvodzana yaHashubi, indvodzana ya-Azrikamu, indvodzana yaHashabiya, labayintalelwane yaMerari; 15 kanye naBakbakhari, Hereshi, Galali, Mathaniya indvodzana yaMikha indvodzana yaZikhri indvodzana ya-Asafa, 16 Obadiya indvodzana yaShemaya indvodzana yaGalali indvodzana yaJeduthuni kanye naBherekhiya indvodzana ya-Asa indvodzana ya-Elkhana lebekahlala endzaweni yemaNethofa.+

17 Bogadzi basesangweni+ bekunguShalumi, Akhubi, Thalmoni, Ahimani kanye naShalumi umnakabo lobekayinhloko, 18 futsi kuze kube nguleso sikhatsi bekasesangweni lenkhosi lelingasemphumalanga.+ Laba bekubogadzi betinkambu temaLevi. 19 Shalumi indvodzana yaKhore, indvodzana ya-Abiyasafa, indvodzana yaKhora, kanye nebanakabo emndenini wakubo, emaKhora lebekabuke imisebenti leyentiwa bogadzi basemnyango welithende futsi bobabe bebabuke inkambu yaJehova, babogadzi bendlela yekungena. 20 NguFinehasi+ indvodzana ya-Eliyezeri+ lebekangumholi wabo esikhatsini lesendlulile; Jehova bekanaye. 21 Zakhariya+ indvodzana yaMeshelemiya bekangugadzi welisango ekungeneni kwelithende lekuhlangana.

22 Bonkhe labo lebebakhetfwe kuba bogadzi bemasango bebangu-212. Bebasetindzaweni tabo tekuhlala ngekuvumelana nekubhaliswa kwabo ngemindeni yakubo.+ Davide kanye naSamuweli umboni wemibono,+ bababeka kutsi bente leyo misebenti labanikwe yona ngobe bebetsenjwa. 23 Bona kanye nemadvodzana abo bebabuke kugadvwa kweligede lendlu yaJehova,+ indlu yelithende. 24 Bogadzi bemasango bebasetindzaweni letine. Labanye bebangasemphumalanga, labanye bangasenshonalanga, labanye bangasenyakatfo kantsi labanye bebangaseningizimu.+ 25 Njalo ngemuva kwesikhatsi bomnakabo bebeta basuka etindzaweni tabo bacitse emalanga langu-7 kuze basebente nabo. 26 Bekunabogadzi bemasango labane labatindvuna* lebebanikwe lowo msebenti ngobe bebetsenjwa. BebangemaLevi futsi bebabuke tindlu tekudlela kanye nendzawo lobekugcinwa kuyo umcebo endlini yaNkulunkulu weliciniso.+ 27 Bebatsatsa busuku bonkhe basetindzaweni tabo batungelete indlu yaNkulunkulu weliciniso, bebanakekela umsebenti wekugadza baphindze bagcine tikhiya futsi bebavula lendlu njalo ekuseni.

28 Labanye babo bebabuke titja+ lebetisetjentiswa ekukhonteni Nkulunkulu; bebatibala nabatiletsa baphindze batibale nasebatikhipha. 29 Labanye babo babekwa kutsi banakekele letitja, tonkhe titja letingcwele+ kanye nafulaha locolisakele,+ liwayini,+ emafutsa,+ emakha esihlahla semphepho+ kanye nemafutsa ebhalisamu.+ 30 Labanye kumadvodzana ebaphristi bebenta emafutsa ebhalisamu. 31 Mathithiya lebekawesive semaLevi, alitibulo laShalumi umKhora, bekanikwe umsebenti wekubuka tintfo letibhakwe emapanini+ ngobe beketsenjwa. 32 Labanye kubomnakabo labangemaKhohati bebabuke kulungiswa kwetinkhwa letititaki,*+ batilungisa njalo ngelisabatha.+

33 Laba bekubahlabeleli labatinhloko temindeni yemaLevi etindlini tekudlela, ngulabo labebangayenti leminye imisebenti; ngobe busuku nemini bekufanele babe semsebentini. 34 Laba bebatinhloko temindeni yemaLevi kuye ngeluhla lwabo lwekutalwa, bebatindvuna. Bebahlala eJerusalema.

35 Jeyiyeli babe waGibeyoni bekahlala eGibeyoni.+ Libito lemkakhe bekunguMakha. 36 Indvodzana yakhe yekucala bekungu-Abdoni, alandzelwe boSuri, Khishi, Bhali, Nadabi, 37 Gedori, Ahiyo, Zakhariya naMikilothi. 38 Mikilothi watala Shimeya. Bonkhe bebahlala eceleni kwabomnakabo eJerusalema bakanye nalabanye bomnakabo. 39 Neri+ watala Khishi; Khishi watala Sawula;+ Sawula watala boJonathani,+ Malkhi-shuwa,+ Abinadabi+ na-Eshbhali. 40 Indvodzana yaJonathani bekunguMeribhali.+ Meribhali watala Mikha.+ 41 Emadvodzana aMikha bekuboPhithoni, Meleki, Thareya na-Ahazi. 42 Ahazi watala Jara; Jara watala bo-Alemethi, Azmavethi naZimri. Zimri watala Mosa. 43 Mosa watala Bineya, Refaya yindvodzana yaBineya, Eleyasa yindvodzana yaRefaya futsi Aseli yindvodzana ya-Eleyasa. 44 Aseli bekanemadvodzana lasitfupha futsi emabito awo bekubo-Azrikamu, Bokheru, Ishmayeli, Sheyariya, Obadiya naHanana. Lawa bekungemadvodzana a-Aseli.