Jobe

 4 Ngubani lolowetama kukhuluma naye,

Futsi ngubani lokubangele kutsi usho tintfo letinjena?*

 5 Labo labafile* bayesaba;

Bangephansi ngisho kwelwandle nako konkhe lokukulo.

 6 Nkulunkulu* ubona konkhe lokuseThuneni,*+

Futsi ubona yonkhe intfo lesendzaweni yembhubhiso.*

 7 Wendlala sibhakabhaka* endzaweni lete lutfo,*+

Alengise umhlaba eteni;

 8 Emanti uwagocotela emafini akhe+

Ngendlela yekutsi emafu angesindvwa bese ayabhubuka;

 9 Umbonya sihlalo sakhe sebukhosi,

Endlale lifu lakhe etikwaso.+

10 Ubeka umncele* emkhatsini wesibhakabhaka nelwandle;+

Abeke nemncele emkhatsini wekukhanya nebumnyama.

11 Tinsika tasezulwini tiyanyakata;

Tesatjiswa kutsetsa kwaNkulunkulu.

12 Uvungatelisa lwandle ngemandla akhe,+

Futsi ngekucondza kwakhe ujuba silwane lesikhulu saselwandle* sibe ticucu.+

13 Ngekuphefumula kwakhe* wenta sibhakabhaka sibe bete emafu;

Sandla sakhe sigwaza inyoka lenyimbilikako.*

14 Letintfo timane nje tinguletimbalwa kulatentile;+

Kuncane kakhulu lesikuvile ngaye!