1 Likronike
13 Davida a eletsana le balaoli ba ba likete le ba ba makholo le moeta-pele e mong le e mong;+ 2 Davida a tsoela pele ho re ho phutheho eohle ea Iseraele: “Haeba ho bonahala ho le molemo ho lōna ’me e le ho amohelehang ho Jehova Molimo oa rōna, a re romeletseng ho barab’abo rōna ba setseng linaheng tsohle tsa Iseraele+ ’me hammoho le bona re romeletseng ho baprista+ le Balevi+ metseng+ ea bona e nang le makhulo, e le hore ba ka phuthehela ho rōna. 3 A re tliseng areka+ ea Molimo oa rōna ho rōna.” Etsoe ba ne ba sa ka ba e hlokomela matsatsing a Saule.+ 4 Kahoo phutheho eohle ea re e tla etsa ka tsela eo, etsoe ntho eo e ile ea bonahala e nepahetse mahlong a batho bohle.+ 5 Ka lebaka leo Davida a phutha+ Baiseraele bohle ho tloha nōkeng ea Egepeta+ ho ea fihla moo ho kenoang teng Hamathe,+ hore ho tlisoe areka+ ea Molimo oa ’nete ho tsoa Kiriathe-jearime.+
6 Davida le Baiseraele bohle ba nyolohela Baala,+ Kiriathe-jearime, ea Juda, hore ba late areka ea Molimo oa ’nete, Jehova, ea lutseng holim ’a likerubime,+ moo lebitso la hae le bitsoang teng. 7 Leha ho le joalo, ba palamisa areka ea Molimo oa ’nete holim ’a koloi+ e ncha e tsoang ntlong ea Abinadabe, ’me Uza le Akio+ ba ne ba eteletse koloi eo pele. 8 Davida le Baiseraele bohle ba ne ba keteka+ ka pel’a Molimo oa ’nete ka matla ’ohle le ka lipina+ le ka liharepa+ le ka liletsa tse likhoele+ le ka meropa e menyenyane+ le ka licymbala le ka literompeta.+ 9 Qetellong ba fihla seotlong sa Kidone,+ joale Uza a otlolla letsoho hore a tšoare Areka,+ etsoe lipoho li ile tsa batla li e phethola. 10 Eaba bohale ba Jehova bo tukela Uza, hoo a ileng a mo bolaea kahobane a ne a otlolotse letsoho holim ’a Areka,+ ’me a shoela moo ka pel’a Molimo.+ 11 Davida a halefa+ kahobane Jehova o ne a otlile Uza ka khalefo; sebaka seo sa bitsoa Pereze-uza ho fihlela letsatsing lena.
12 Davida a tšaba Molimo oa ’nete letsatsing leo,+ a re: “Ke tla tlisa areka ea Molimo oa ’nete joang ho ’na?”+ 13 Davida ha aa ka a tlosa Areka hore a e tlise ho eena Motseng oa Davida, empa a e isa hosele ntlong ea Obed-edomo+ Mogathe.+ 14 Areka ea Molimo oa ’nete ea ’na ea lula le lelapa la Obed-edomo, ntlong+ ea hae ka likhoeli tse tharo; Jehova a ’na a hlohonolofatsa+ lelapa la Obed-edomo le sohle sa hae.