1 Likronike
5 Bara ba Rubene+ letsibolo la Iseraele—etsoe e ne e le letsibolo;+ empa ka lebaka la ho silafatsa liphate tsa ntat’ae+ tokelo ea hae joaloka letsibolo e ile ea fuoa bara ba Josefa+ mora oa Iseraele, hoo a neng a ke ke a ngolisoa ho ea ka leloko bakeng sa tokelo ea letsibolo. 2 Etsoe Juda+ o ne a phahametse barab’abo, ’me moeta-pele o ne a tsoa ho eena;+ empa tokelo ea letsibolo e ne e le ea Josefa+—3 bara ba Rubene letsibolo la Iseraele e ne e le Hanoke+ le Palu,+ Hezrone le Karmi.+ 4 Bara ba Joele e ne e le mora oa hae Shemaia, mora oa hae Gogo, mora oa hae Shimei,5 mora oa hae Mikea, mora oa hae Reaia, mora oa hae Baale, 6 mora oa hae Bera, eo Tilgathe-pilnesere+ morena oa Assyria a ileng a mo isa kholehong, eena e le morenana oa Barubene. 7 Barab’abo ka malapa a bona ba ngolisitsoeng ka meloko+ ka masika a bona, joaloka lihlooho, e ne e le Jeiele, le Zakaria, 8 le Bela mora oa Azaze mora oa Shema mora oa Joele+—o ne a lula Aroere+ le ho ea fihla Nebo+ le Baale-meone.+ 9 Ka bochabela o ne a lula ho ea fihla moo motho a kenang teng lefeelleng nōkeng ea Eufrate,+ etsoe liphoofolo tsa bona tse ruiloeng li ne li ngatafetse naheng ea Gileade.+ 10 Matsatsing a Saule ba ile ba loantša Bahagare,+ ba ileng ba liheloa ke matsoho a bona; kahoo ba lula litenteng tsa bona ho pholletsa le naha eohle ka bochabela ho Gileade.
11 Ha e le bara ba Gade+ ka pel’a bona, ba ne ba lula naheng ea Bashane+ ho ea fihla Salka.+ 12 Joele e ne e le hlooho, oa bobeli e le Shafame, le Janai le Shafate naheng ea Bashane. 13 Barab’abo bona ba ntlo ea baholo-holo ba bona e ne e le Mikaele le Meshulame le Sheba le Jorai le Jakane le Zia le Ebere, e le ba supileng. 14 Bana e ne e le bara ba Abikaile mora oa Huri, mora oa Jarooa, mora oa Gileade, mora oa Mikaele, mora oa Jeshishai, mora oa Jahdo, mora oa Buze; 15 Aki mora oa Abdiele, mora oa Guni, hlooho ea ntlo ea baholo-holo ba bona. 16 Ba ile ba tsoela pele ho lula Gileade,+ Bashane+ le metseng+ e itšetlehileng ka eona le makhulong ’ohle a Sharone ho ea fihla qetellong ea ’ona. 17 Kaofela ha bona ba ne ba ngolisitsoe ho ea ka meloko matsatsing a Jothame+ morena oa Juda le matsatsing a Jeroboame+ morena oa Iseraele.
18 Ha e le bara ba Rubene le Bagade le halofo ea moloko oa Manase; bao e neng e le batho ba sebete,+ banna ba nkang thebe le sabole le ba kobang seqha le ba koetliselitsoeng ntoa, ho ne ho e-na le ba likete tse mashome a mane a metso e mene le makholo a supileng le mashome a tšeletseng ba tsoelang lebothong.+ 19 Ba qala ho loantša Bahagare,+ le Jeture+ le Nafishe+ le Nodabe. 20 Ba thusoa ho ba loantša, hoo Bahagare le bohle ba neng ba e-na le bona ho ileng ha nehelanoa ka bona matsohong a bona, etsoe ba ile ba hoeletsa ho Molimo ho kōpa thuso+ ntoeng, ’me a itumella hore a kōptjoe ka tieo molemong oa bona hobane ba ne ba mo tšepile.+ 21 Ba hapa liphoofolo tsa bona tse ruiloeng,+ likamele tsa bona tse likete tse mashome a mahlano, le linku tse likete tse makholo a mabeli le mashome a mahlano, le liesele tse likete tse peli, le meea ea batho e likete tse lekholo.+ 22 Etsoe ho ne ho e-na le ba bangata ba oetseng fatše ba bolailoe, hobane ntoa e ne e le ea Molimo oa ’nete.+ Ba ile ba tsoela pele ho lula sebakeng sa bona ho fihlela nakong ea kholeho.+
23 Ha e le bara ba halofo ea moloko oa Manase,+ ba ile ba lula naheng ho tloha Bashane+ ho ea Baale-hermone+ le Senire+ le Thabeng ea Hermone.+ Ba ile ba ngatafala. 24 Bana e ne e le lihlooho tsa matlo a baholo-holo ba bona: Efere le Ishi le Eliele le Azriele le Jeremia le Hodavia le Jahdiele, banna ba neng ba le sebete, batho ba matla, banna ba tummeng, lihlooho tsa matlo a baholo-holo ba bona. 25 Ba qala ho etsa ka ho se tšepahale ho Molimo oa baholo-holo ba bona ’me ba e-ba le likamano+ tse litšila le melimo+ ea lichaba tsa naha, tseo Molimo a neng a li felisitse ka pel’a bona. 26 Ka lebaka leo Molimo oa Iseraele a susumetsa moea+ oa Pule+ morena oa Assyria+ esita le moea oa Tilgathe-pilnesere+ morena oa Assyria, hoo a ileng a isa Barubene le Bagade le halofo ea moloko oa Manase kholehong+ ’me a ba tlisa Hala+ le Habore le Hara le nōkeng ea Gozane ho tsoela pele ho fihlela letsatsing lena.