Lipesaleme

24 Lefatše ke la Jehova le se tletseng ho lona,+

Naha e behang le ba lulang ho eona.+

 2 Etsoe o le thehile ka mokhoa o tiileng holim’a maoatle,+

O le boloka le tiisitsoe ka thata holim’a linōka.+

 3 Ke mang ea ka nyolohelang thabeng ea Jehova,+

Ke mang ea ka phahamang sebakeng sa hae se halalelang?+

 4 Mang kapa mang eo matsoho a hae a hlokang molato le eo pelo ea hae e hloekileng,+

Ea sa nkang moea oa Ka e le o se nang thuso ka ho feletseng,+

Kapa a nka kano ka thetso.+

 5 O tla nka tlhohonolofatso e tsoang ho Jehova+

Le ho loka ho Molimo oa hae oa poloko.+

 6 Ona ke moloko oa ba mo batlang,

Oa ba batlang sefahleho sa hao, [Molimo oa] Jakobo.+ Selah.

 7 “Phahamisang lihlooho, Lōna liheke,+

Le eme, Lōna menyako e tšoarellang halelele,+

E le hore Morena ea khanyang a ka kena!”+

 8 “Joale, Morena eo ea khanyang ke mang?”+

“Jehova ea matla le ea nang le bonatla,+

Jehova ea matla ntoeng.”+

 9 “Phahamisang lihlooho, Lōna liheke;+

E, le li phahamise, Lōna menyako e tšoarellang halelele,

E le hore Morena ea khanyang a ka kena!”+

10 “Joale, Morena eo ea khanyang ke mang?”

“Jehova oa mabotho—ke eena Morena ea khanyang.”+ Selah.