Lipesaleme

48 Jehova o moholo ’me o lokela ho rorisoa haholo+

Motseng oa Molimo oa rōna,+ thabeng ea hae e halalelang.+

 2 Thaba ea Sione mahlakoreng a ka thōko a leboea,+

Motse oa Morena e Moholo,+

E ntle ka bophahamo, ke thabo e khaphatsehang ea lefatše lohle.+

 4 Etsoe, bonang! marena a kopane ka taetsano,+

A fetile hammoho.+

 5 A ile a bona; kahoo a ile a makala.

A ile a khathatseha, a mathisoa ka ho tšoha.+

 6 A ile a tšoaroa ke ho thothomela moo,+

Bohloko ba pelehi bo kang ba mosali ea belehang.+

 8 Feela joalokaha re utloile, ka ho tšoanang re bone+

Motseng oa Jehova oa mabotho, motseng oa Molimo oa rōna.+

Molimo o tla o tiisa ka thata ho isa nakong e sa lekanyetsoang.+ Selah.

 9 Molimo, re nahanisisitse ka mosa oa hao o lerato+

Ka har’a tempele ea hao.+

10 Joaloka lebitso la hao,+ Molimo, ka ho tšoanang thoriso ea hao e joalo

Ho isa meeling ea lefatše.

Letsoho la hao le letona le tletse ho loka.+

11 E se eka Thaba ea Sione+ e ka thaba,

E se eka metse e itšetlehileng ka Juda e ka nyakalla,+ ka lebaka la liqeto tsa hao tsa boahloli.+

12 Potang Sione, ’me le tsamaee ho pholletsa le eona,+

Le bale litora tsa eona.+

13 Behang lipelo tsa lōna ho ’mōtōmōtō oa eona.+

Hlahlobang litora tsa eona tsa bolulo,

E le hore le ka ho pheta molokong oa ka moso.+

14 Etsoe Molimo enoa ke Molimo oa rōna ho isa nakong e sa lekanyetsoang, esita le ka ho sa feleng.+

O tla re tataisa ho fihlela re shoa.+