Ho motsamaisi. Ea bara ba Kora. Pina ea thoriso.
47 Lōna lichaba tsohle, le ope liatla.+
Hooang ka tlhōlo ho Molimo ka molumo oa mohoo oa thabo.+
2 Etsoe Jehova, Ea Phahameng ka ho Fetisisa, oa tšabeha,+
Ke Morena e moholo oa lefatše lohle.+
3 O tla kokobetsa batho tlas’a rōna+
Le lihlopha tsa lichaba tlas’a maoto a rōna.+
4 O tla re khethela lefa la rōna,+
Khanya ea Jakobo, eo a mo ratileng.+ Selah.
5 Molimo o nyolohile ka mohoo oa thabo,+
Jehova o nyolohile ka molumo oa lenaka.+
6 Binelang Molimo lipina tsa thoriso, le bine lipina tsa thoriso.+
Binelang Morena oa rōna lipina tsa thoriso, le bine lipina tsa thoriso.
7 Etsoe Molimo ke Morena oa lefatše lohle;+
Binang lipina tsa thoriso, le etse ka masene.+
8 Molimo ke morena oa lichaba.+
Molimo o lutse holim’a terone ea hae e halalelang.+
9 Bahlomphehi ba lichaba ba bokane,+
Hammoho le batho ba Molimo oa Abrahama.+
Etsoe lithebe tsa lefatše ke tsa Molimo.+
O phahame haholo bophahamong ba hae.+