Lipesaleme
Ho motsamaisi oa Nehilothe.* Pina ea Davida.
5 Mamela mantsoe a ka hle Jehova.+
U bone matšoenyeho a ka.
2 ’Mamele ha ke lla ke kopa thuso,
Ke rapela uena Morena oa ka le Molimo oa ka.
3 Jehova, u tla utloa lentsoe la ka hoseng.+
Hoseng ke tla bua le uena ka lintho tse ntšoenyang+ ’me ke tla emela hore u nkarabe.
4 Ha u Molimo ea thabisoang ke bobe.+
Ha ho na motho ea etsang lintho tse mpe ea ka lulang le uena.+
5 Ha ho na motho ea ikhohomosang ea ka emang ka pel’a hao.
U hloile bohle ba etsang lintho tse mpe.+
6 U tla felisa batho ba buang leshano.+
Jehova o hloile batho ba ratang ntoa le ba buang leshano.*+
7 Ke tla kena ka tlung+ ea hao hobane u nthata haholo.*+
Ke tla inama ke shebile tempeleng* ea hao e halalelang ho bontša hore ke u hlompha haholo.+
8 Jehova, ntataise hore ke tsamaee tseleng e nepahetseng e le hore ke sireletsehe ho ba ntlhoileng.
Nthuse hore ke tsamaee tseleng ea hao ke sa khoptjoe ke letho.+
9 Lintho tsohle tseo ba li buang ha li tšepahale.
Lipelo tsa bona li tletse lehloeo feela,
’Metso ea bona ke lebitla le ahlameng.
Ba qhekella batho ka maleme a bona.*+
10 Empa Molimo o tla re ba molato.
Ba tla tšoasoa ke maraba a bona.+
E se eka ba ka lelekoa ka lebaka la melato ea bona e mengata
Hobane ba u fetohetse.
11 Empa bohle ba balehelang ho uena ba tla thaba.+
Ba tla hoeletsa ba thabile kamehla.
U tla thibela ba batlang ho ba utloisa bohloko hore ba se ke ba ba atamela.
Ba ratang lebitso la hao ba tla thaba ka lebaka la hao.
12 Jehova, u tla hlohonolofatsa bohle ba lokileng.
U tla ba sireletsa ka mohau oa hao joalokaha eka ke ka thebe e kholo.+