• 1 Marena 7:15-22
    Bibele—Phetolelo ea Lefatše le Lecha

    • 15 A etsa lipilara tse peli tsa koporo+ ’me e ’ngoe le e ’ngoe e ne e le bophahamo ba limithara tse ka bang robeli,* ho potoloha pilara ka ’ngoe*+ e ne e le limithara tse ka bang hlano* tsa khoele e lekanyang. 16 A etsetsa lipilara lihlooho tse peli tsa koporo. Hlooho ka ’ngoe e le bophahamo ba limithara tse ka bang peli.* 17 E ne e boetse e e-na le mekhabiso e supileng ea sefe le liketane.+ 18 A etsa mela e ’meli ea likharenate ho potoloha sefe e neng e koahetse lihlooho tsa lipilara. A etsa se tšoanang lihloohong tseo ka bobeli. 19 Lihlooho tsena tsa lipilara tse neng li le foranteng li ne li entsoe joaloka likhahla ’me li le bophahamo ba limithara tse ka bang peli.* 20 Li ne li le holim’a karolo e selika-likoe e neng e kopane le sefe. Ho ne ho e-na le mela ea likharenate tse 200 ho potoloha hlooho ka ’ngoe.+

      21 A hloma lipilara tseo ka pel’a foranta ea tempele.*+ E ka letsohong le letona* a e reha Jakine* ’me e ka letsohong le letšehali* a e reha Boase.*+ 22 Ka holim’a lipilara ho ne ho e-na le mokhabiso o joaloka likhahla. Ho ne ho qetiloe ho etsoa lipilara.

  • 2 Marena 25:17
    Bibele—Phetolelo ea Lefatše le Lecha

    • 17 Pilara e ’ngoe le e ’ngoe e ne e le bophahamo ba limithara tse ka bang robeli*+ ’me e e-na le hlooho e entsoeng ka koporo e bolelele ba mithara.* Letanta* le likharenate tse neng li khabisitse hlooho li ne li entsoe ka koporo.+ Pilara ea bobeli le eona e ne e le joalo.

  • 2 Likronike 4:11-13
    Bibele—Phetolelo ea Lefatše le Lecha

    • 11 Hirame a boela a etsa linkho, likharafu le lijana.+

      A qeta mosebetsi oo a neng a o etsetsa Morena Solomone bakeng sa ntlo ea Molimo oa ’nete:+ 12 Lipilara tse peli+ le lihlooho tse bopehileng joaloka sejana tse neng li le holim’a lipilara tseo, lisefe+ tse peli ho koahela lihlooho tseo, 13 likharenate tse 400+ bakeng sa lisefe tse peli, mela e ’meli ea likharenate bakeng sa sefe ka ’ngoe, ho koahela lihlooho tseo tse peli,+

  • Jeremia 52:22, 23
    Bibele—Phetolelo ea Lefatše le Lecha

    • 22 Hlooho ea pilara e ne e le ea koporo, bophahamo ba hlooho eo e ne e le limithara tse ka holimonyana ho tse peli.*+ Letanta* le likharenate tse neng li khabisitse hlooho li ne li entsoe ka koporo. Pilara ea bobeli e ne e tšoana le pilara ea pele le likharenate li ne li tšoana. 23 Ho ne ho e-na le likharenate tse 96 ka mahlakoreng. Likharenate tsohle tse neng li potolohile letanta li ne li le 100.+