• Liproverbia 23:29-35
    Bibele—Phetolelo ea Lefatše le Lecha

    • 29 Ke mang ea nang le bomalimabe? Ke mang ea sulafaletsoeng?

      Ke mang ea likhang? Ke mang ea likomang?

      Ke mang ea nang le maqeba ntle ho lebaka? Ke mang ea mahlo a lerootho?

      30 Ke ea lulelang ho noa veine nako e telele,+

      Ea ntseng a batla veine e tsoakiloeng.

      31 U se ke oa sheba ’mala o mofubelu oa veine

      Ha e shebahala e le monate ka koping, e lelemela hamonate

      32 Hobane qetellong e loma joaloka noha,

      E ntša chefo joaloka marabe.

      33 Mahlo a hao a tla bona lintho tse sa tloaelehang,

      Pelo ea hao eona e tla bua lintho tse tsoileng tseleng.+

      34 U tla ba joaloka motho ea robetseng bohareng ba leoatle,

      U be joaloka motho ea robetseng holimo palong e tšehetsang seile ea sekepe.

      35 U tla re: “Ba nchapile empa ha kea utloa bohloko.*

      Ba nkotlile empa ha ke hopole le ho hopola.

      Ke tla tsoha neng?+

      Ke hloka veine e ’ngoe hape.”*