• Matheu 27:22-26
    Bibele—Phetolelo ea Lefatše le Lecha

    • 22 Pilato a re ho bona: “Joale ke etse’ng ka Jesu eo ho thoeng ke Kreste?” Sechaba sohle sa re: “Ha a khokhotheloe palong!”*+ 23 A re: “Hobane’ng? O entse’ng e mpe?” Empa sa hoeletsa le ho feta sa re: “Ha a khokhotheloe palong!”*+

      24 Ha Pilato a bona hore ha ho na letho leo a ka le etsang ebile ho tsoha moferefere, a nka metsi a hlapa matsoho ka pel’a sechaba eaba o re: “Ha ke na molato maling a motho enoa. Ke taba ea lona.” 25 Eaba batho kaofela ba re: “Mali a hae a be holim’a rona le bana ba rona.”+ 26 A ba lokollela Barabase empa a laela hore Jesu a shapuoe ka sephali+ ’me a fana ka eena ho masole hore a mo khokhothele palong.+

  • Mareka 15:12-15
    Bibele—Phetolelo ea Lefatše le Lecha

    • 12 Pilato a re: “Joale ke etse’ng ka enoa eo le reng ke Morena oa Bajuda?”+ 13 Ba hoeletsa ba re: “Ha a khokhotheloe palong!”*+ 14 Empa Pilato a re ho bona: “Hobane’ng, o entse’ng e mpe?” Empa ba hoeletsa le ho feta ba re: “Ha a khokhotheloe palong!”*+ 15 Kaha Pilato o ne a batla ho ba khotsofatsa, a ba lokollela Barabase empa a laela hore Jesu a shapuoe ka sephali+ ’me a fana ka eena hore a khokhotheloe palong.*+