32 Lengeloi la Jehova la re ho eena: “Ke hobane’ng ha u otlile tonki ea hao ka makhetlo aa a mararo? Ke tl’o u thiba hobane ntho eo u e etsang ha e lumellane le thato ea ka.+

15 Ba khelositsoe hobane ba lahlile tsela e nepahetseng. Ba khethile ho etsisa Balame+ mora oa Beore ea ileng a etsa sebe hobane a khalletse ho fumana moputso+ 16 empa a khalemelloa ho tlola molao.+ Tonki e sa tsebeng ho bua e ile ea bua ka lentsoe le kang la motho e le hore e thibe moprofeta eo hore a se ke a etsa ntho e se nang kelello.+

14 Leha ho le joalo, ho na le lintho tse sa nthabiseng ka uena. Ho uena moo, ho na le ba mamelang lithuto tsa Balame+ ea ileng a ruta Balake+ ho lihela Baiseraele e le hore ba je lintho tse hlabetsoeng litšoantšo le ho etsa boitšoaro bo bobe bo amanang le thobalano.*+