Jobo
29 Jobo a boela a re:
2 “Ekare nka khutlela likhoeling tse fetileng,
Nakong eo Molimo a neng a ntširelelitse.
3 Ha a ne a etsa hore lebone la hae le khanye hloohong ea ka,
A nkhantšetsa nakong eo ke neng ke tsamaea lefifing.+
7 Ha ke ne ke tloaetse ho ea keiting ea motse+
Ke lula lebaleng,+
8 Ha bahlankana ba mpona ba ne ba emella ka thoko,*
Banna ba baholo ba ema ka maoto.+
9 Likhosana li ne li thola,
Li beha matsoho molomong.
11 Motho leha e le ofe ea neng a nkutloa ha ke bua o ne a mpabatsa,
Ba neng ba mpona ba ne ba bua hantle ka ’na.
12 Ke ne ke pholosa bafutsana ba kopang thuso+
Le likhutsana* hammoho le mang kapa mang ea neng a se na motho ea mo thusang.+
14 Ke ne ke apara ho loka joaloka liaparo.
Toka ea ka e le joaloka seaparo se selelele* le tuku.
15 Ke ne ke le mahlo ho batho ba sa boneng,
Ke le maoto ho ba holofetseng.
16 Ke ne ke le ntate oa bafutsana.+
Ke ne ke batlisisa nyeoe ea batho bao ke sa ba tsebeng e le hore ke ba thuse.+
17 Ke ne ke pshatla mehlahare ea batho ba etsang lintho tse mpe,+
Ke pholosa batho bao ba ba hlorisang.
18 Ke ne ke tloaetse ho re, ‘Ke tla shoella ka tlung ea ka,+
Matsatsi a bophelo ba ka a tla ba mangata joaloka lehlabathe.
19 Metso ea ka e tla namela ka metsing
Le phoka e lule holim’a makala a ka bosiu kaofela.
20 Khanya ea ka e lula e nchafatsoa,
Seqha se letsohong la ka se tla lula se betsa.’
22 Ka mor’a hore ke bue, ho ne ho se na letho leo ba ka le buang.
Mantsoe a ka a ne a le monate* litsebeng tsa bona.
23 Ba ne ba nkemela joaloka pula,
Ba lakatsa seo ke tla se bua joalokaha eka ba emetse pula ea selemo.+
24 Ha ke ne ke ba bososella, ba ne ba sa kholoe.
Ha ba bona sefahleho sa ka ba khothala.*