Jobo
3 Ka mor’a lintho tsena Jobo a qala ho bua eaba o bitsetsa letsatsi leo a hlahileng ka lona bomalimabe.*+ 2 A re:
3 “Ekare letsatsi leo ke hlahileng ka lona le ka be le sa chaba,+
Hape ho sa fihla le bosiu boo motho a ileng a re, ‘Ho hlahile ngoana oa moshanyana.’
4 Letsatsi leo e ke e be lefifi.
Molimo ea holimo a se ke a le tsotella,
Ho hang le se ke la ba le khanya.
5 Le ke le apareloe ke lefifi le letšo.*
Leru la pula le ke le lule holim’a lona.
Ntho leha e le efe e fifatsang letsatsi e ke e le tšose.
6 Bosiu boo bo ke bo apareloe ke lefifi le letšo-letšo,+
Le ka mohla bo se ke ba thaba har’a matsatsi ’ohle a selemo.
Bo se ke ba balelloa har’a matsatsi a likhoeli.
7 Ho ne ho ka ba molemo ha ho ne ho se na motho ea hlahileng bosiung boo,
Le mohoo oa thabo o sa utloahala bosiung boo.
8 Ba bitsetsang matsatsi bomalimabe ba ke ba bitsetse bosiu boo bomalimabe
9 Linaleli tsa bona tsa meso li ke li fifale,
Bo ke bo letele khanya ea letsatsi empa e se ke ea fihla,
Bo se ke ba bona mahlaseli a meso.
11 Ke hobane’ng ha ke sa shoa ha ke hlaha?
Ke hobane’ng ha ke sa shoa ha ke tsoa ka popelong?+
12 Ke hobane’ng ha ho bile le mangole a nkamohelang
Le matsoele a ’nyantšang?
13 Hona joale nka be ke paqame ho se motho ea ntšoenyang,+
Ke ithobaletse ke phomotse+
14 Hammoho le marena a lefatše le baeletsi ba ’ona,
Ba ikahetseng libaka tseo hona joale li senyehileng,
15 Kapa le likhosana tse neng li e-na le khauta,
Tseo matlo a tsona a neng a tletse silevera.
16 Kapa ke hobane’ng ha ke sa ba joaloka mpa e senyehileng e patehileng,
Joaloka bana ba sa kang ba bona khanya?
18 Batšoaruoa ba lutse ka khotso hammoho moo,
Ha ba utloe lentsoe la ea ba qobellang ho sebetsa.
20 Ke hobane’ng ha a fa motho ea nang le mathata khanya,
A lumella le batho ba utloileng bohloko hore ba phele?+
21 Ke hobane’ng ha ba nyoretsoe lefu empa le sa tle?+
Ba le cheka ho feta matlotlo a patiloeng,
22 Ba thaba haholo,
Ba thabela ho fumana sebaka sa lepato.
23 Ke hobane’ng ha Molimo a fa monna ea lahlehileng khanya,
Eo a mo etselitseng lebota leo a ke keng a khona ho tsoa ka har’a lona?+
25 Ntho eo ke neng ke e tšaba e tlile ho ’na,
Le ntho e ntšosang e fihlile.
26 Ha ke e-s’o be le khotso, khutso le phomolo
Empa mathata a tla a ntse a latellana.”