Mocha o Tšelisitsoe

Lehlabuleng le leng, Denise ebile motsoalle le mosebetsi ’moho ea pholosang batho ba noelang. Ha motsoalle enoa a sa le monyenyane, ’m’ae a hlokahala. Morao tjena a hlokahalloa ke ntat’ae. “Ke mo romeletse mpho ea peeletso ea Tsoha! ea likhoeli tse tšeletseng,” ho hlalositse Denise. Likhoeli tse ’maloa hamorao, Denise a fumana lengolo le latelang le tsoang ho motsoalle oa hae:

“Ke balile litokollo tse peli tsa pele tsa Tsoha! ’me lihlooho tse peli tsa tsona li nthusitse haholo. Se seng e ne e le sa ho fumana matšeliso ha motho eo u mo ratang a e-shoa, ’me se seng se bua ka litsela tsa ho hlōla ho tepella. Ke sitoa ho hlalosa kamoo li nthusitseng kateng. Sehlooho sa ho qetela se qotsitse Ba-Filippi 4:7, ‘Khotso ea Molimo, e fetisang kutloisiso eohle, e tla boloka lipelo tsa lōna le mehopolo ea lōna ho Jesu Kreste.’ Ho bala lengolo leo ha phakisa ha ’neha tšepo e ncha. Ke u leboha haholo ka ho nthomella peeletso ea Tsoha!”

Na u tseba motho ea ka ruang molemo makasineng oa Tsoha!? Ke hobane’ng ha u sa mo romelle mpho ea peeletso? U ka etsa sena ka ho tlatsa le ho romella setlankane se ka tlaase, hammoho le R4,50.

Ka kōpo romelang mpho ea peeletso ea selemo ea Tsoha! ho motho ea latelang, le lengolo le hlalosang hore ke mpho e tsoang ho (lebitso la hao). Ke kentse R4,50.