Leqephe la Bobeli
Nōka ea Rhine ea Jeremane, joaloka ha e bonoa ka lehlakoreng le letšehali, e sa ntse e hohela baeti ba bangata, empa botle ba eona ke bo thetsang. Kaha e silafalitsoe haholo ke lik’hemikale le lifeme tse mabōpong a eona ho feta nōka leha e le efe lefatšeng, e bitsoa setsamaisa likhoere-khoere se seholo sa Europa. E tšoantšetsa hantle mehato e bolaeang ea ’molai ea sa bonahaleng—tšilafalo, e tiisa mantsoe a mothothokisi Samuel Taylor Coleridge:
“Nōka ea Rhine, e tsebahala hohle,
E hloekisa motse oa lōna oa Cologne;
Empa mpolelleng, ke matla afe a phahameng
A tla tsoela pele ho hloekisa nōka ea Rhine?”
Mongolli oa Tsoha! Riphabliking e Kopaneng ea Jeremane o fuputsa lisosa tsa tšilafalo ’me o fana ka likeletso ka se amehang ho rarolla bothata.