Leqephe la Bobeli

Polao e sehlōhō e entsoeng ke Manazi—mantsoe ao a phahamisa likhopolo tsa ho bolaoa ha Bajode ba Europe tlas’a puso ea Bonazi ea Hitler Jeremane ho tloha ka 1933 ho ea ho 1945. Empa e boetse e phahamisa lipotso tse ngata: Na ho hlile ha etsahala?

Polao e sehlōhō e entsoeng ke Manazi e lokela ho nkoa e le koluoa ea Bajode feela?

Ke hobane’ng ha ho tšohloa taba ee hape, lilemo tse fetang 40 ka mor’a ho lala ha Ntoa ea II ea Lefatše?

Na ho bile le batho leha e le bafe ba ileng ba hana mekhoa ea tsamaiso ea Hitler ka lebaka la bolumeli?

Ke hobane’ng ha Molimo o ile oa lumella hore batho ba rinngoe ka sehlōhō ke Manazi?

Ho na le tšepo efe bakeng sa ba limillione ba ileng ba fenethoa kapa ba ileng ba sebetsa ka thata kapa ba bolailoeng ke tlala mehleng eo e mebe? Na lefu le qetile taba eohle ka bona, kapa ba tla phela hape?

Letoto la rōna le qalang la lihlooho le tla arabela lipotso tsena.