Mohlolo o Lekanang le Tsoho

Abrahama ha a le lilemo li 99 o ne a tsofetse haholo hore a ka ba le ngoana. Empa botsofali ba hae e ne e se tšitsio ho ’Mōpi hore a ka tsosolosa matla a hae a ho etsa bana, a nolofatsa hore Abrahama a be le Isaaka ka mosali oa hae ea ratoang Sara eo matla a hae a ho ba le bana a neng a se a shoele le oona. (Gen. 17:17; 21:1, 2; Ba-Roma 4:19) Kaha mohlolo ona o ile oa ama ho tsosolosoa ha linamana tse phelang, ruri o ne o tšoana le tsoho. Ka ho makatsang, hona ha e-ea ba ho tsosolosoa ha nakoana ha matla a Abrahama a ho ba le bana. Hoba Sara a shoe, eare ha Abrahama a nyala mosali e mong, Ketura, a ba le bara ba tšeletseng hape—Zimrame, Jokshane, Medane, Midiane, Ishbak le Shua. Kahoo, ka nako e fetang lilemo tse 40 matla a hae a ho ba le bana a ne a tsosolositsoe. (Gen. 23:1; 25:1, 2) Hona ho bontša hantle seo lengeloi Gabriele le ileng la se bolella moroetsana Maria makholo a lilemo hamorao: “Ha ho letho le ke keng la etsoa ke Molimo.” (Luka 1:37) Mohlolo o boetse o tiisa bonnete ba tšepo ea tsoho.