Ho Lahloa Mekhoa ea Bothuela

Lilemong tsa ho feta, sehleke-hlekeng sa Ometepe bohareng ba Lake Nicaragua Amerika e Hare, ho ne ho phela ngoanana eo ntat’ae a neng a sebelisa mekhoa ea boloi. O ne a tumme ka hore o phekola batho ba omeletseng litho ka ho bitsa meea e mebe. Hoba a shoe, leha ho le joalo, morali oa hae a omella litho ’me a phela liphateng.

Ngoanana a sebetsoa ke motho eo le eena a sebelisanang le meea. Empa ka tsatsi le leng molebeli ea tsamaeang oa Mokreste a fihla lapeng habo ’me a mo nea mpho—“New World Translation of the Holy Scriptures.” Ha a e bala, ngoanana a fumana taelo ea Molimo ka mekhoa ea ho sebelisana le meea, joalokaha e tlalehiloe ho Deuteronoma khaolo ea 18. Kahoo, a khaotsa pheko eo a neng a e fumana mothong ea sebelisanang le meea.

Paki e ’ngoe ea khutlela ho ngoanana enoa ’me ha qalisoa thuto ea Bibele le eena. Qetellong, a botsoa hore na ebe mofu ntat’ae o ne a siile libuka kapa lipampiri leha e le life tse amanang le mekhoa ea bothuela, ’me ngoanana a arabela ka hore li tletse li le ngata ka lilaeng tsa litafole. Eaba baa li chesa. (Lik. 19:18, 19) Hape, ngoanana a phehelloa ho rapela hore Jehova a mo thuse. Nakoana kamorao ho moo, a qala ho tsamaea hape.