Maele a Bohlale

“Ea leoatla o hlahisa bohale ba hae feela; empa ea masene o pata tšito ea ea mo sitetsoeng.”—Liprov. 12:16.

U itšoara joang ha motho e mong ka leeme a u nyatsa kapa a u bua hampe? Joalokaha Liproverbia 12:16 e hlokomela, boitšoaro bo tloaelehileng haholo har’a batho ba sa phethahalang ke ho tleroha ka bohale. Batho ba bangata kapele, ‘feela ka tsatsi leo,’ ba totobatsa bohale ba bona ’me ba arabele ka khalefo e khōlō. Empa ho thoe’ng ka “ea masene”? Ka ho sebelisa polelo “ea masene,” Maele mona ha a bolele motho ea mano, ea kang ea rerang ho iphetetsa. Ho e-na le hoo, ho boleloa ka tšobotsi e hlalefileng. Ho Liproverbia bo amahanngoa le tsebo le bohlale, le motho ea hlalefileng ea nahanang taba ho e-na le ho nka bohato ka boikutlo ba botho feela. (Liprov. 13:16; 14:8; 22:3) Har’a ho nyatsuoa ho leeme kapa thohako e sa reng letho eo ho bonahalang e tlontlolla, motho ea masene o tšoara leleme la hae. O lula a itaotse, ho e-na le hore a tlohelle hore a laoloe ke motho e mong kapa ke boemo. O lula a fumana molemo, ka bohlale bo joalo ka hore ka ho etsa joalo o qoba lintoa tse atisang ho tlela motho ea tlakolohang ha a utloisitsoe bohloko.