Tikoloho e Nyopileng Bakeng sa Bana

HANYENYANE-KA-HANYENYANE mokhatlo oa kajeno o fetotse tikoloho e ntle ea khōliso ea bana ho ba e nyopileng bakeng sa hore e be e beang, ho itsoalo moprofesara Edward A. Wynne, oa Univesithi ea Illionois. O nģosa ho inahana ho feteletseng ha batho le moruo, le ho hlōleha ha bolumeli. Makasineng oa The Wall Street Journal moprofesara Wynne o itse: “Ke taba e utloahalang hore ke hobane’ng ha batsoali ba bangata ba ikutloa ba halefile hakaana. Ba bang ba ikutloa ba tepeletse ’me banyalani ba bang ba khutlisetsa khōliso ea bana morao kapa ba leka ho e qoba ho hang.” Joale morutehi enoa o fana ka keletso e ka thusang ho hlōla bothata bona, o eletsa banyalani ho ineela ka ho shoetseng khōlisong ea bana, ’me hona ho akarelletsa ho kopana le bolumeli bo khothalletsang bonngoe ba lelapa le bo lebelletseng hore litho tsa bona li ineele ho bona, le ho fana ka taeo e tsoakiloeng le lerato, le ho tela lipheo tse phahameng tsa botumo.

Bibele e boletse haholo ka taba ena ka makholo-kholo a lilemo a fetileng. E elelitse batsoali: “Ba hōliseng [bana] ka thuto ea Bokreste le ka taeo ea Bokreste.” (Ba-Efese 6:4, Phillips) Khothatso ea Lentsoe la Molimo e tsoela pele: “Phutha sechaba, banna, le basali, le bana . . . ba tle ba utloe, ’me ba ithute.” (Deuteronoma 31:12) Ka sebele, haeba metheo ena e sebelisoa ka tsela e sa khaotseng hona ho tla thusa malapa ho hlōla tšenyeho ena ea mokhatlo oa kajeno.