Baboleli ba ’Muso baa Tlaleha

Ba TIileng Kopanong baa Babatsoa

“ETSA hantle, ’me o tla bokoa ke jona,” ho boletse moapostola Pauluse ho Ba-Roma 13:3. Mantsoe ana a ipakile e le ’nete likopanong tsa “Keketseho ea ’Muso” Brazil lemong se shoeleng.

Ka mohlala, kamor’a kopano sebakeng sa João Pessoa, motsamaisi oa sehlopha a bolella komiti ea kopano: “Ke le leboha ka moo kopano e neng e tšoeroe kateng le ka boitšoaro ba Iōna bo botle le ba bana ba Iōna. Ha ho na mokhatlo o mong oa bolumeli o bontšang boitšoaro bo joalo bo botle. Ha re le hirisetsa sebaka sena, ha re tšohe letho. Menyako ea sebaka sena e le bulehetse kamehla.”

Lihlaloso tse tšoanang li ile tsa utluoa ho ba bang ba bangata:

◻ “Ke sebelitse ka lilemo tse telele le batho ba bangata, empa Iōna le hlophehile ka tsela e khethehileng, le hloekile, ’me le sebelisana hantle haholo.”—Motsamaisi oa Lebala la Lipapali la Maracanãzinho Rio de Janeiro.

◻ “Ke thabela mokhatlo oa Iōna haholo. Haeba Jesu Kreste a ka tla kajeno lena, ke nahana hore bolumeli boo a neng a tla bo amohela e ne e tla ba ba Iōna.”—Monna oa setima-mollo ea neng a hlokometse likopanong tse Rio de Janeiro.

◻ “Ha le re khathatse ka letho [rōna maponesa]. Ke lakatsa e ka motho e mong le e mong a ka ba joaloka Iōna. E ne e tla ba ntho e ntle. Ha ke letsa phala ea ka, kea tseba hore ke tla mameloa ntle ho khano.”—Leponesa la sephethe-phethe le neng le abetsoe sebaka sa kopano Curitiba.

◻ “Re lakatsa ho nka monyetla ona ho le leboha ka hlophiso le ka taeo e ntle, re le lakaletsa katleho mesebetsing ea Iōna ea kamoso, ’me ’Masepala enoa o tla le thusa kamehla.”—Lengolo le amohetsoeng ke molebeli oa kopano le ngotsoeng ke ofisi ea ramotse Santo André.

◻ “Ho bile le phapang e khōlō pakeng tsa boitšoaro ba Iōna le ba batho ba bang ba sebelisang likamore tsa rōna tsa hotele. Batho ba Iōna ba bolokile lintho tsohle tse ka kamoreng li hloekile hape li le makhethe, ’me boitšoaro ba bona bo bontšitse hlompho e se nang sekoli bakeng sa ba bang.”—Mohlokomeli oa hotele Novo Hamburgo.

◻ “Batho ting le lefuoa chelete e ntle haholo.”—Ho boletse joalo mong a lebenkele le phehang mahobe a neng a tlisoa kopanong e neng e tšoaretsoe Sorocaba, kamor’a hore a shebe kamoo baena ba neng ba sebetsa ka thata ka teng. Ha a bolelloa hore basebetsi bana bohle ha ba lefuoe, a khutlela lebenkeleng la hae ’me a tla le basebetsi bohle ba hae lebaleng la lipapali hore ba tl’o bona bokhothali le boinehelo ba bona!

Likopano tsa Brazil li ile tsa hapa leihlo la batlalehi ba likoranta. Tribuna da Bahia e tlalehile sena: “Lipaki li tšoere Bibele letsohong, li phetla litemana, li hlalosa ka pefo le ka bolotsana ba motho, ha li bue ka lipolotiki, ha li itsoake mesebetsing ea sechaba, ’me ha li khathalle litaba tsa likhetho. Lebaka ke hore ho sa tsotellehe hore na ke mang ea busang, a ke ke a bontša toka, kaha ke Molimo o le mong feela o ka busang lefatše ka phetheho. . . . Motheo oa tumelo ea bona ke lefatše le lecha le tlang le tla fumanoa feela ka thuto e sa khaotseng ea Bibele le ka ho fetola mekhoa e mebe ka ho ba le pelo e hloekileng.”

Koana, Lipaki tsa Jehova ha li ipolele hore li phethahetse empa li lumela hore ’Muso oa Molimo o tla tiisa taolo e ncha e phethahetseng. Leha ho le joalo li leka ho sebelisa keletso ea Bibele e ho 1 Petrose 2:12, ho ea ka New World Translation: “Bolokang boitšoaro ba Iōna bo le botle har’a lichaba, e le hore . . . li ka bona mesebetsi ea Iōna e metle ’me li tlotlise Molimo.”

[Setšoantšo se leqepheng la 14]

Boitšoaro ba Bakreste bo tlotlisa Molimo