Ho Batla ’Nete ho Putsitsoe

KA LEBAKA la ho fumana khotsofalo e fokolang e le moruti oa Kereke ea Presbyteri, mohlankana e mong o ile a qala ho batla kereke ea ’nete ea Molimo. O ile a ngola litlhokahalo tse leshome tseo a ikutloang hore kereke ea ’nete e lokela ho ba le tsona. O ne a se a e-na le kutloisiso e nepahetseng eo e seng ea mangolo ka mollo oa lihele, moea o sa shoeng, le tse ling. Ha e sa le a etsa patlisiso ena ka lilemo tse 30. Ha a ne a kopana le e mong oa Lipaki tsa Jehova, o ile a qala ho botsa letoto la lipotso tsa hae, tse kang: “Mohlatsoana ke eng? Ba 144 000 le linku tse ling ke bo-mang?” Hoba a fumane likarabo tse khotsofatsang, o ile a amohela thuto ea Bibele. Kamor’a likhoeli tse tharo o ile a re ho Paki: “Ha e le hantle, Moena, kereke ea ’nete ea Molimo ke Lipaki tsa Jehova.” Hona joale o lilemo li 71 ’me o thabetse hore u fumane kereke ea ’nete kamor’a ho e batla ka lilemo tse 30!