Tsoha! E Susumetsa Bophelo

Tsoha! e hatisoa ka lipuo tse 64, ’me ka kakaretso e hatisoa ka likopi tse 12 980 000 tokollo ka ’ngoe. Ho pota lefatše babali baa e thabela ’me ba rua molemo ho eona, joalokaha mangolo a bona a kananelo a senola seo. Ofisi ea lekala la Watch Tower e Ghana, Afrika Bophirima, e ile ea fumana litlhaloso tse latelang:

“Ke e mong oa babali ba ka mehla ba makasine oa lōna oa Tsoha! o hlomphehang ka ho fetisisa, o rutang le o theiloeng Bibeleng. Litaba tse ka hare ho makasine ona li fetotse mokhoa oa ka oa bophelo ka litsela tse ngata haholo! Ka mehla ke rata ho bala makasine ona haholo hoo ke tlohellang lijo tsa ka nakong efe kapa efe ha ke fumana kopi, le hoja ke le setho sa Kereke ea Roma e K’hatholike.”

Re ikutloa hore ho sa tsotellehe bolumeli ba hao, le uena u tla rua molemo litokollong tse thahasellisang tsa Tsoha!

Ke rata hore makasine oa Tsoha! o romeloe lehaeng la ka. (Ka ntle ho R.S.A., ngolla lekala la Watch Tower le haufinyane ho fumana boitsebiso. Bona leqephe 2.)