Kemiso ea Sekolo sa Tšebeletso sa Puso ea Molimo Bakeng sa 2002
Litaelo
Ka 2002 ho tla ba le litokisetso tse latelang ha ho tsamaisoa Sekolo sa Tšebeletso sa Puso ea Molimo.
MOHLOLI OA BOITSEBISO: Phetolelo ea Lefatše le Lecha ea Mangolo a Halalelang [bi12-SU], Molula-Qhooa [w-SU], “Lengolo Lohle le Bululetsoe ke Molimo ’me le Molemo” [si-SU] le Ho Bea Mabaka ka Mangolo [rs-SU] e tla ba tsona mohloli oa likabelo.
Sekolo se lokela ho qala KA NAKO ka pina, thapelo le mantsoe a kamohelo a makhutšoanyane. Ha ho hlokahale hore ho fanoe ka selelekela sa hore na ho na le eng lenaneong. Ha molebeli oa sekolo a kenyelletsa puo e ’ngoe le e ’ngoe, o tla bolela sehlooho se tla hlahlojoa. Se tsoele pele ka tsela e latelang:
KABELO NO. 1: Metsotso e 15. Kabelo ena e lokela ho fanoa ke moholo kapa mohlanka ea sebeletsang, ’me e tla thehoa ho Molula-Qhooa kapa “Lengolo Lohle le Bululetsoe ke Molimo ’me le Molemo.” Ha e thehiloe ho Molula-Qhooa, kabelo ena e lokela ho fanoa e le puo ea taeo ea metsotso e 15 ho se lipotso tsa tlhahlobo; ha e thehiloe bukeng ea “Lengolo Lohle,” e lokela ho fanoa e le puo ea metsotso e 10 ho ea ho e 12, ’me e lateloe ke tlhahlobo ea metsotso e 3 ho ea ho e 5, ho sebelisoa lipotso tse hatisitsoeng bukeng. Sepheo e se be feela ho akaretsa taba empa e be ho lebisa tlhokomelo ntlheng ea bohlokoa bo sebetsang tabeng eo ho buuoang ka eona, ho totobatsa se tla ba molemo ka ho fetisisa ho phutheho. Ho lokela ho sebelisoe sehlooho se bontšitsoeng.
Barab’abo rōna ba abetsoeng puo ena ba lokela ho hlokomela hore ba boloka nako eo ba e filoeng. Ho ka fanoa ka keletso ka thōko haeba ho hlokahala kapa haeba sebui se e kōpile.
LINTLHA TSE KHŌLŌ TSA ’MALO OA BIBELE: Metsotso e 6. Kabelo ena e lokela ho fanoa ke moholo kapa mohlanka ea sebeletsang ea tla sebelisa boitsebiso boo litlhokong tsa phutheho ka tsela e sebetsang. Ha ho hlokahale sehlooho. E se ke ea e-ba feela kakaretso ea ’malo o kemisong. Ho ka ’na ha kenyelletsoa tlhahlobo e akaretsang ea likhaolo tse abiloeng ea metsotsoana e 30 ho ea ho e 60. Leha ho le joalo, pakane e ka sehloohong ke ho thusa bamameli ho utloisisa lebaka leo ka lona taba ena e leng ea bohlokoa le hore na ke ea bohlokoa joang ho rōna. Ka mor’a moo molebeli oa sekolo o tla bolella liithuti hore li ee likolong tsa tsona tse fapaneng.
KABELO NO. 2: Metsotso e 5. Ona ke ’malo oa Bibele oa boitsebiso bo abiloeng o lokelang ho etsoa ke mor’abo rōna, ebang seithuti se ka sekolong se seholo kapa ka sekolong se tlatsetsang. Hangata likabelo tsa ’malo li khutšoanyane ka ho lekaneng ho lumella liithuti hore li fane ka taba e khutšoanyane e hlakileng litlhalosong tse qalang le tse qetellang. Ho ka akarelletsoa taba ea histori, se boleloang ke boprofeta kapa lithuto tsa bohlokoa tsa motheo le kamoo melao-motheo e ka akarelletsoang kateng. Litemana tsohle tse abiloeng li lokela ho baloa ho sa kenyelletsoe letho lipakeng. Ho hlakile hore ha litemana tse lokelang ho baloa li sa latellane, seithuti se ka ’na sa bolela temana eo ’malo o tsoelang pele ho eona.
KABELO NO. 3: Metsotso e 5. Ena e tla abeloa morali’abo rōna. Lihlooho tsa nehelano ena li tla thehoa ho Ho Bea Mabaka ka Mangolo. E ka behoa boemong bofe kapa bofe bo loketseng tšimo ea lōna, ’me ba fanang ka eona ba ka ’na ba lula fatše kapa ba ema. Molebeli oa sekolo o tla thahasella haholo-holo tsela eo ka eona seithuti se hōlisang sehlooho se fanoeng le ho thusa mong’a ntlo ho nahana ka kamoo mangolo a sebetsang kateng. Seithuti se abeloang puo ena se lokela ho tseba ho bala. Molebeli oa sekolo o tla se abela mothusi a le mong, empa mothusi e mong hape a ka ’na a sebelisoa. Ntho e lokelang ho nehoa tlhokomelo e ka sehloohong ke ho sebelisa Bibele ka tsela e atlehileng eseng boemo boo puo e fanoang tlas’a bona.
KABELO NO. 4: Metsotso e 5. Sehlooho sa kabelo ena se tla thehoa ho Ho Bea Mabaka ka Mangolo. Kabelo No. 4 e ka fuoa mor’abo rōna kapa morali’abo rōna. Ha e abetsoe mor’abo rōna, kamehla e lokela ho fanoa e le puo. Ha e le morali’abo rōna ea filoeng puo ena, e lokela ho fanoa ho latela lintlha tse bontšitsoeng Kabelong ea No. 3.
KEMISO EA ’MALO OA BIBELE: E mong le e mong ka phuthehong o khothalletsoa hore a bale Bibele beke le beke ho latela kemiso ea ’malo oa eona, ho tšoanang le ho bala hoo e ka bang leqephe le le leng ka letsatsi.
TLHOKOMELISO: Bakeng sa boitsebiso bo eketsehileng le taeo mabapi le keletso, ho boloka nako, litlhahlobo tse ngoloang le ho lokisetsa likabelo, ka kōpo bona leqephe la 5 la Tšebeletso ea Rōna ea ’Muso ea October 1996.
KEMISO
Jan. 7 ’Malo oa Bibele: Moeklesia 1-6
No.1: Selelekela sa Moeklesia (si-SU maq. 112-13 lir. 1-8)
No.2: Moeklesia 4:1-16
No.3: a‘Na U Lumela Pholiso?’ (rs-SU leq. 366 lir. 3-4)
No.4: Na Bohle re Phetse Sebakeng sa Moea Pele re Tsoaloa re le Batho ba Nama? (rs-SU leq. 223 ser. 1–leq. 224 ser. 4)
Jan. 14 ’Malo oa Bibele: Moeklesia 7-12
No.1: Moeklesia—Lebaka Leo e Leng Molemo (si-SU leq. 114 lir. 15-19)
No.2: Moeklesia 8:1-17
No.3: Hoja Adama a se ke a Sitoa, na o ne a Tla Qetella a Ile Leholimong? (rs-SU leq. 224 lir. 5-6)
No.4: Na Motho o Tlameha ho ea Leholimong Hore a be le Bokamoso bo Thabileng ka Sebele? (rs-SU leq. 225 lir. 1-3)
Jan. 21 ’Malo oa Bibele: Sefela sa Lifela 1-8
No.1: Selelekela sa Sefela sa Lifela le Lebaka Leo e Leng Molemo (si-SU maq. 115-17 lir. 1-4, 16-18)
No.2: Sefela sa Lifela 5:1-16
No.3: Petrose oa Pele 3:19, 20 e Bolela Eng? (rs-SU leq. 225 ser. 4)
No.4: Petrose oa Pele 4:6 e Bolela Eng? (rs-SU leq. 226 ser. 1)
Jan. 28 ’Malo oa Bibele: Esaia 1-6
No.1: Selelekela sa Esaia (si-SU maq. 118-19 lir. 1-8)
No.2: Esaia 2:1-17
No.3: Na Bophelo ba Leholimo ke Tšepo ea Bakreste Bohle? (rs-SU leq. 226 ser. 2–leq. 227 ser. 1)
No.4: “Testamente e Ncha” e Re’ng ka Bophelo bo sa Feleng Lefatšeng? (rs-SU leq. 227 ser. 2–leq. 228 ser. 3)
Feb. 4 ’Malo oa Bibele: Esaia 7-11
No.1: Re Hloka Mokhatlo o Hlophisitsoeng oa Jehova (w00-SU 1/1 maq. 30-1)
No.2: Esaia 8:1-22
No.3: Bibele e Tšoaretse ba Bakae Tšepo ea Bophelo ba Leholimo? (rs-SU leq. 228 lir. 4-5)
No.4: Na ba 144 000 ke Bajuda ba Tlhaho Feela? (rs-SU leq. 229 lir. 1-4)
Feb. 11 ’Malo oa Bibele: Esaia 12-19
No.1: U Inka Joang? (w00-SU 1/15 maq. 20-2)
No.2: Esaia 17:1-14
No.3: Tšepo ea Mangolo ke Efe ka “Bongata bo Boholo”? (rs-SU leq. 229 ser. 5–leq. 230 ser. 1)
No.4: Ba Eang Leholimong ba Tla Etsa Eng Teng? (rs-SU leq. 230 lir. 2-6)
Feb. 18 ’Malo oa Bibele: Esaia 20-26
No.1: Hlaolela Kamano e Haufi-ufi le Jehova (w00-SU 1/15 maq. 23-6)
No.2: Esaia 22:1-19
No.3: Na Bibele e Bontša Hore Moea oa Phonyoha ha ’Mele o Shoa? (rs-SU leq. 239 ser. 3–leq. 240 ser. 1)
No.4: Ke Batho ba Mofuta Ofe ba Eang Liheleng Tsa Bibele? (rs-SU leq. 240 lir. 2-4)
Feb. 25 ’Malo oa Bibele: Esaia 27-31
No.1: Mohlorisi o Bona Khanya e Khōlō (w00-SU 1/15 maq. 27-9)
No.2: Esaia 29:1-14
No.3: Na ho na le Motho ea Keng a Tsoe Liheleng Tsa Bibele? (rs-SU leq. 240 ser. 5–leq. 241 ser. 2)
No.4: Na ho na le Kotlo ea ka ho sa Feleng Bakeng sa ba Khopo? (rs-SU leq. 241 ser. 3–leq. 242 ser. 2)
Mar. 4 ’Malo oa Bibele: Esaia 32-37
No.1: Mamello e Tsoala Katleho (w00-SU 2/1 maq. 4-6)
No.2: Esaia 33:1-16
No.3: Ke Eng se Boleloang ke ‘Tlhokofatso ea ka ho sa Feleng’ eo ho Buuoang ka Eona ho Tšenolo? (rs-SU leq. 242 ser. 3–leq. 243 ser. 1)
No.4: ‘Mollo oa Gehenna’ oo Jesu a Buileng ka Oona ke Eng? (rs-SU leq. 243 ser. 2–leq. 244 ser. 1)
Mar. 11 ’Malo oa Bibele: Esaia 38-42
No.1: Keletso e Bohlale ea ’Mè (w00-SU 2/1 maq. 30-1)
No.2: Esaia 42:1-16
No.3: Kotlo ea Sebe ke Eng? (rs-SU leq. 244 lir. 2-5)
No.4: Na Jesu o Rutile Tlhokofatso ea ba Khopo ka Morao ho Lefu? (rs-SU leq. 245 ser. 1)
Mar. 18 ’Malo oa Bibele: Esaia 43-47
No.1: Tloha Sebakeng se Kotsi (w00-SU 2/15 maq. 4-7)
No.2: Esaia 44:6-20
No.3: Setšoantšo sa Morui le Lazaro se Bolela Eng? (rs-SU leq. 245 ser. 2–leq. 246 ser. 1)
No.4: Na Keresemese ke Mokete o Thehiloeng Bibeleng? (rs-SU leq. 286 ser. 3–leq. 287 ser. 3)
Mar. 25 ’Malo oa Bibele: Esaia 48-52
No.1: Matla a Thapelo (w00-SU 3/1 maq. 3-4)
No.2: Esaia 49:1-13
No.3: Banna ba Bohlale, ba Neng ba Etelletsoe Pele ke Naleli e ne e le Bo-mang? (rs-SU leq. 288 lir. 1-3)
No.4: Re Lokela ho Nahana ka Eng ha re Hlahloba Litloaelo Tsa Keresemese? (rs-SU leq. 288 ser. 4–leq. 289 ser. 1)
Apr. 1 ’Malo oa Bibele: Esaia 53-59
No.1: Ho Batla Jehova ka Pelo e Itokisitseng (w00-SU 3/1 maq. 29-31)
No.2: Esaia 54:1-17
No.3: Re Lokela ho Tataisoa ke Melao-motheo Efe Mabapi le Mekete? (rs-SU leq. 289 ser. 2–leq. 290 ser. 1)
No.4: Re Lokela ho Tseba Eng ka Easter le Mekete ea Selemo se Secha? (rs-SU leq. 290 ser. 2–leq. 291 ser. 2)
Apr. 8 ’Malo oa Bibele: Esaia 60-66
No.1: Esaia—Lebaka Leo e Leng Molemo (si-SU leq. 123 lir. 34-9)
No.2: Esaia 61:1-11
No.3: Matsatsi a Phomolo a ho Ikhopotsa “Meea ea Bafu” a Thehiloe Hokae? (rs-SU leq. 291 ser. 3–leq. 292 ser. 3)
No.4: Re Tseba Eng ka Letsatsi la Valentine, la Bo-’mè le Mekete ea Bochaba? (rs-SU leq. 292 ser. 4–leq. 293 ser. 5)
Apr. 15 ’Malo oa Bibele: Jeremia 1-4
No.1: Selelekela sa Jeremia (si-SU leq. 124 lir. 1-5)
No.2: Jeremia 2:4-19
No.3: Bibele e Re’ng ka Litšoantšo Tse Sebelisetsoang Borapeli? (rs-SU leq. 264 lir. 1-4)
No.4: Na Litšoantšo li ka Sebelisoa e le Lithuso Feela Borapeling ba Molimo oa ’Nete? (rs-SU leq. 264 ser. 5–leq. 265 ser. 4)
Apr. 22 ’Malo oa Bibele: Jeremia 5-8
No.1: Lebaka Leo ka Lona Moloko oa Batho o Hlokang Mothusi (w00-SU 3/15 maq. 3-4)
No.2: Jeremia 7:1-20
No.3: Na re ka Hlompha “Bahalaleli” ka Tsela ea Borapeli e le ba re Rapellang ho Molimo? (rs-SU leq. 265 ser. 5–leq. 266 ser. 2)
No.4: Molimo o Talima Litšoantšo Tse Rapeloang Joang? (rs-SU leq. 266 ser. 3–leq. 267 ser. 2)
Apr. 29 Tlhahlobo e Ngoloang. ’Malo oa Bibele: Jeremia 9-13
May 6 ’Malo oa Bibele: Jeremia 14-18
No.1: Kamoo Jesu Kreste a ka re Thusang Kateng (w00-SU 3/15 maq. 5-9)
No.2: Jeremia 17:1-18
No.3: Re Lokela ho Ikutloa Joang ka Litšoantšo Leha e le Life Tseo e ka ’Nang Eaba re ne re li Hlompha ka Tsela ea Borapeli? (rs-SU leq. 267 lir. 3-5)
No.4: Tšebeliso ea Litšoantšo Borapeling e ka ba le Phello Efe Bokamosong ba Rōna? (rs-SU leq. 268 lir. 1-4)
May 13 ’Malo oa Bibele: Jeremia 19-23
No.1: Boinyenyefatso—Tšoaneleho e Khothalletsang Khotso (w00-SU 3/15 maq. 21-4)
No.2: Jeremia 19:1-15
No.3: Ha Batho ba Lahla Litekanyetso Tsa Bibele, na ba Hlile Baa Lokoloha? (rs-SU leq. 149 lir. 1-3)
No.4: Keletso ea Bibele ke Efe ka Telekiso ea Lintho Tse Bonahalang le Botahoa? (rs-SU leq. 149 ser. 4–leq. 150 ser. 1)
May 20 ’Malo oa Bibele: Jeremia 24-28
No.1: Monna ea Behang Mohlala ea Ileng a Amohela Khalemelo (w00-SU 3/15 maq. 25-8)
No.2: Jeremia 25:1-14
No.3: Baballa Kamano ea Hao le Jehova, ’me U Qobe Litloaelano Tse Mpe (rs-SU leq. 150 ser. 3)
No.4: Ke Mang ea Ileng a Phehella Batho Hore ba se Natse Litaelo Tsa Molimo? (rs-SU leq. 151 lir. 1-2)
May 27 ’Malo oa Bibele: Jeremia 29-31
No.1: Moea oa Molimo o Sebetsa Joang Kajeno? (w00-SU 4/1 maq. 8-11)
No.2: Jeremia 30:1-16
No.3: Re Lokela ho Qoba Boikutlo Bofe? (rs-SU leq. 151 ser. 3–leq. 152 ser. 4)
No.4: Ha ho Ipusa ho Etsa Hore Motho a Etsise Lefatše, o Oela Taolong ea Mang? (rs-SU leq. 152 lir. 5-6)
June 3 ’Malo oa Bibele: Jeremia 32-35
No.1: Tšelisoa ke Matla a Jehova (w00-SU 4/15 maq. 5-7)
No.2: Jeremia 34:1-16
No.3: Lebitso la Molimo le Fumanoa Hokae Liphetolelong Tsa Bibele Tse Sebelisoang Haholo Kajeno? (rs-SU leq. 182 ser. 1–leq. 183 ser. 9)
No.4: Ke Hobane’ng ha Liphetolelo Tse Ngata Tsa Bibele li sa Sebelise Lebitso la Molimo? (rs-SU leq. 183 ser. 10–leq. 185 ser. 1)
June 10 ’Malo oa Bibele: Jeremia 36-40
No.1: Na U na le Pono e Tšoanang le ea Molimo ka ba Mabifi? (w00-SU 4/15 maq. 26-9)
No.2: Jeremia 37:1-17
No.3: Ke ho Ngoloa Hofe ha Lebitso le Halalelang ho Nepahetseng, Jehova Kapa Yahweh? (rs-SU leq. 185 ser. 2–leq. 187 ser. 8)
No.4: Na Jehova ka “Testamenteng ea Khale” ke Jesu Kreste ka “Testamenteng e Ncha”? (rs-SU leq. 188 lir. 1-4)
June 17 ’Malo oa Bibele: Jeremia 41-45
No.1: “Sireletsa Pelo ea Hao” (w00-SU 5/15 maq. 20-4)
No.2: Jeremia 41:1-15
No.3: Motho a ka Rata Jehova Joang Haeba Hape a Lokela ho Mo Tšaba? (rs-SU leq. 188 ser. 5–leq. 189 ser. 1)
No.4: Ke Eng e Lumeloang ke Lipaki Tsa Jehova e li Khethollang ho Malumeli a Mang? (rs-SU leq. 246 ser. 2–leq. 248 ser. 1)
June 24 ’Malo oa Bibele: Jeremia 46-49
No.1: Bophelo bo Phethahetseng Hase Toro Feela Tjee! (w00-SU 6/15 maq. 5-7)
No.2: Jeremia 49:1-13
No.3: Na Lipaki Tsa Jehova ke Bolumeli ba Amerika? (rs-SU leq. 248 ser. 2–leq. 249 ser. 1)
No.4: Na Lipaki Tsa Jehova ke Mokha oa Bokhelohi Kapa Bolumeli ba Mehlolo? (rs-SU leq. 249 ser. 2–leq. 250 ser. 3)
July 1 ’Malo oa Bibele: Jeremia 50-52
No.1: Jeremia—Lebaka Leo e Leng Molemo (si-SU leq. 129 lir. 36-9)
No.2: Jeremia 50:1-16
No.3: Na Lipaki Tsa Jehova li Lumela Hore Bolumeli ba Tsona ke Bona Feela bo Nepahetseng? (rs-SU leq. 250 lir. 4-5)
No.4: Bolumeli ba ’Nete bo Latela Bibele ka Botšepehi (rs-SU leq. 251 ser. 1)
July 8 ’Malo oa Bibele: Lillo tsa Jeremia 1-2
No.1: Selelekela sa Lillo tsa Jeremia (si-SU maq. 130-1 lir. 1-7)
No.2: Lillo tsa Jeremia 1:1-14
No.3: Lipaki Tsa Jehova li Fihla Joang Tlhalosong ea Tsona ea Bibele? (rs-SU leq. 251 ser. 2–leq. 252 ser. 3)
No.4: Ke Hobane’ng ha ho Theosa le Lilemo ho Bile le Liphetoho Lithutong Tsa Lipaki Tsa Jehova? (rs-SU leq. 252 ser. 4)
July 15 ’Malo oa Bibele: Lillo tsa Jeremia 3-5
No.1: Lillo tsa Jeremia—Lebaka leo e Leng Molemo (si-SU leq. 132 lir. 13-15)
No.2: Lillo tsa Jeremia 3:1-30
No.3: Ke Hobane’ng ha Lipaki Tsa Jehova li Bolela ka Ntlo le Ntlo? (rs-SU leq. 253 lir. 1-4)
No.4: Ke Hobane’ng ha Lipaki Tsa Jehova li Hlorisoa? (rs-SU leq. 254 lir. 1-2)
July 22 ’Malo oa Bibele: Ezekiele 1-6
No.1: Selelekela sa Ezekiele (si-SU leq. 132-3 lir. 1-6)
No.2: Ezekiele 4:1-17
No.3: b‘Ke Hobane’ng ha le sa Amehe ho Etseng Lefatše Sebaka se Molemo ho Phela ho Sona?’ (rs-SU leq. 254 ser. 3–leq. 255 ser. 2)
No.4: c‘Bakreste ba Lebelletsoe ho ba Lipaki Tsa Jesu, e Seng Tsa Jehova’ (rs-SU leq. 255 ser. 3)
July 29 ’Malo oa Bibele: Ezekiele 7-12
No.1: Rua Molemo Mehlaleng e Metle (w00-SU 7/1 maq. 19-21)
No.2: Ezekiele 10:1-19
No.3: Na Jesu Kreste e ne e le Motho oa Sebele? (rs-SU leq. 189 ser. 2–leq. 190 ser. 2)
No.4: Na Jesu Kreste e ne e Mpa e le Motho ea Molemo Feela? (rs-SU leq. 190 ser. 3)
Aug. 5 ’Malo oa Bibele: Ezekiele 13-16
No.1: U ka Lula U Hloekile Lefatšeng la Boitšoaro bo Bobe (w00-SU 7/15 maq. 28-31)
No.2: Ezekiele 13:1-16
No.3: Na Jesu e ne e Mpa e le Moeta-pele e Mong oa Bolumeli? (rs-SU leq. 191 ser. 1)
No.4: Ke Hobane’ng ha Bajuda ka Kakaretso ba sa ka ba Amohela Jesu? (rs-SU leq. 191 ser. 2–leq. 192 ser. 1)
Aug. 12 ’Malo oa Bibele: Ezekiele 17-20
No.1: Ke Hobane’ng ha re Lokela ho Hlompha ba Nang le Matla a ho Laela? (w00-SU 8/1 maq. 4-7)
No.2: Ezekiele 17:1-18
No.3: Na Jesu Kreste e Hlile ke Molimo? (rs-SU leq. 192 lir. 2-3)
No.4: Na Johanne 1:1 e Paka Hore Jesu ke Molimo? (rs-SU leq. 192 ser. 5–leq. 193 ser. 2)
Aug. 19 ’Malo oa Bibele: Ezekiele 21-23
No.1: U Sebetsana le Liphapang Joang? (w00-SU 8/15 maq. 23-5)
No.2: Ezekiele 22:1-16
No.3: Na Polelo ea Thomase e ho Johanne 20:28 e Paka Hore Ruri Jesu ke Molimo? (rs-SU leq. 193 ser. 3–leq. 194 ser. 1)
No.4: Na Matheu 1:23 e Bontša Hore Jesu ha a le Lefatšeng e ne e le Molimo? (rs-SU leq. 194 lir. 2-4)
Aug. 26 Tlhahlobo e Ngoloang. ’Malo oa Bibele: Ezekiele 24-28
Sept. 2 ’Malo oa Bibele: Ezekiele 29-32
No.1: Ke Hobane’ng ha U Lokela ho Itela? (w00-SU 9/15 maq. 21-4)
No.2: Ezekiele 30:1-19
No.3: Johanne 5:18 e Bolela Eng? (rs-SU leq. 195 lir. 1-2)
No.4: Na ’Nete ea Hore Borapeli bo Lebisoa ho Jesu e Paka Hore ke Molimo? (rs-SU leq. 195 ser. 3–leq. 196 ser. 1)
Sept. 9 ’Malo oa Bibele: Ezekiele 33-36
No.1: Tsela ea ho Atamela Haufi le Molimo (w00-SU 10/15 maq. 4-7)
No.2: Ezekiele 33:1-16
No.3: Na Mehlolo e Entsoeng ke Jesu e Paka Hore ke Molimo? (rs-SU leq. 196 lir. 2-4)
No.4: Na ho Lumela ho Jesu Kreste ke Sona Phetho se Hlokoang Bakeng sa Poloko? (rs-SU leq. 196 ser. 6)
Sept. 16 ’Malo oa Bibele: Ezekiele 37-40
No.1: U Lekanya Katleho Joang? (w00-SU 11/1 maq. 18-21)
No.2: Ezekiele 39:1-16
No.3: Na Jesu o Kile a Phela Leholimong Pele e E-ba Motho oa Nama? (rs-SU leq. 197 lir. 1-2)
No.4: Na Jesu o na le ’Mele oa Hae oa Nama Leholimong? (rs-SU leq. 197 ser. 3–leq. 198 ser. 2)
Sept. 23 ’Malo oa Bibele: Ezekiele 41-45
No.1: Sebeletsa Molimo ka Pelo e Ratang (w00-SU 11/15 maq. 21-3)
No.2: Ezekiele 42:1-20
No.3: Na Jesu Kreste ke Motho a le Mong le Arekangeloi Mikaele? (rs-SU leq. 198 ser. 3–leq. 199 ser. 1)
No.4: d‘Ha le Lumele ho Jesu’ (rs-SU leq. 199 lir. 2-4)
Sept. 30 ’Malo oa Bibele: Ezekiele 46-48
No.1: Ezekiele—Lebaka Leo e Leng Molemo (si-SU leq. 137 29-33)
No.2: Ezekiele 46:1-15
No.3: e‘Na U Amohela Jesu e le ’Moloki oa Hao?’ (rs-SU leq. 200 lir. 1-2)
No.4: f‘Ke Amohetse Jesu e le ’Moloki oa Ka’ (rs-SU leq. 200 ser. 3)
Oct. 7 ’Malo oa Bibele: Daniele 1-4
No.1: Selelekela sa Daniele (si-SU maq. 138-9 lir. 1-6)
No.2: Daniele 1:1-17
No.3: Na Bajuda ba Tlhaho Kajeno ke Sechaba se Khethiloeng sa Molimo? (rs-SU leq. 38 ser. 3–leq. 40 ser. 3)
No.4: Na Bajuda Bohle ba Tla Sokolleloa Tumelong ea Bokreste? (rs-SU leq. 40 lir. 4-5)
Oct. 14 ’Malo oa Bibele: Daniele 5-8
No.1: Na U Lokela Hore Kamehla U Lumele Seo Batho ba “Bohlale” ba se Buang? (w00-SU 12/1 maq. 29-31)
No.2: Daniele 5:1-16
No.3: Na Bajuda ba Lokela ho Lumela ho Jesu e le Hore ba Bolokehe? (rs-SU leq. 41 lir. 1-2)
No.4: Na Liketsahalo Tse Etsahalang Kajeno Iseraele li Phethahatsa Boprofeta ba Bibele? (rs-SU leq. 41 ser. 3–leq. 42 ser. 3)
Oct. 21 ’Malo oa Bibele: Daniele 9-12
No.1: Daniele—Lebaka Leo e Leng Molemo (si-SU maq. 141-2 lir. 19-23)
No.2: Daniele 10:1-21
No.3: Na Boprofeta ba ho Tsosolosoa ha Iseraele Boa Phethahala Kajeno? (rs-SU leq. 43 lir. 1-4)
No.4: Na ’Muso oa Molimo ke Puso ea Sebele? (rs-SU leq. 336 lir. 2-3)
Oct. 28 ’Malo oa Bibele: Hosea 1-14
No.1: Selelekela sa Hosea le Lebaka Leo e Leng Molemo (si-SU maq. 143-5 lir. 1-8, 14-17)
No.2: Hosea 4:1-19
No.3: Babusi ke Bo-mang ’Musong? (rs-SU leq. 337 lir. 1-3)
No.4: ’Muso oa Molimo o Tla ba le Phello Efe Mebusong ea Batho? (rs-SU leq. 337 lir. 4-5)
Nov. 4 ’Malo oa Bibele: Joele 1-3
No.1: Selelekela sa Joele le Lebaka Leo e Leng Molemo (si-SU maq. 146-8 lir. 1-5, 12-14)
No.2: Joele 1:1-20
No.3: ’Muso oa Molimo o Tla Halaletsa Lebitso la Jehova (rs-SU leq. 337 ser. 6–leq. 338 ser. 2)
No.4: ’Muso oa Molimo o Tla Kopanya Pōpo Eohle Borapeling bo Hloekileng (rs-SU leq. 338 ser. 3–leq. 339 ser. 1)
Nov. 11 ’Malo oa Bibele: Amose 1-9
No.1: Selelekela sa Amose le Lebaka Leo e Leng Molemo (si-SU maq. 148-50 lir. 1-6, 13-17)
No.2: Amose 1:1-15
No.3: ’Muso oa Molimo o Tla Felisa Ntoa le Bobolu (rs-SU leq. 339 lir. 2-5)
No.4: ’Muso oa Molimo o Tla Lokisetsa Nala ea Lijo Bakeng sa Batho Bohle o be o Tlose ho Kula (rs-SU leq. 339 ser. 6–leq. 340 ser. 1)
Nov. 18 ’Malo oa Bibele: Obadia 1-21–Jonase 1-4
No.1: Selelekela sa Obadia le sa Jonase le Lebaka Leo li Leng Molemo (si-SU maq. 151-3 lir. 1-5, 10-14; maq. 153-5 lir. 1-4, 9-12)
No.2: Obadia 1:1-16
No.3: ’Muso oa Molimo o Tla Lokisetsa Bohle Matlo, Mosebetsi le Tšireletseho (rs-SU leq. 340 lir. 2-5)
No.4: ’Muso oa Molimo o Tla Etsa Hore Toka le ho Loka li Rene (rs-SU leq. 340 ser. 6–leq. 341 ser. 1)
Nov. 25 ’Malo oa Bibele: Mikea 1-7
No.1: Selelekela sa Mikea le Lebaka Leo e Leng Molemo (si-SU maq. 155-8 lir. 1-8, 16-19)
No.2: Mikea 1:1-16
No.3: ’Muso oa Molimo o Tla Tsosa Bafu (rs-SU leq. 341 lir. 2-5)
No.4: ’Muso oa Molimo o Tla Lokisetsa Lefatše Leo ho Lona Batho ba Tla Ratana le ho Utloana (rs-SU leq. 341 ser. 6–leq. 342 ser. 2)
Dec. 2 ’Malo oa Bibele: Nahume 1-3–Habakuke 1-3
No.1: Selelekela sa Nahume le sa Habakuke le Lebaka Leo li Leng Molemo (si-SU maq. 158-60 lir. 1-7, 11-12; maq. 161-3 lir. 1-5, 12-14)
No.2: Nahume 3:1-19
No.3: ’Muso oa Molimo o Tla Etsa Lefatše Paradeise (rs-SU leq. 342 lir. 3-5)
No.4: Na ’Muso oa Molimo o Qalile ho Busa Lekholong la Pele la Lilemo? (rs-SU leq. 342 ser. 6–leq. 343 ser. 1)
Dec. 9 ’Malo oa Bibele: Sofonia 1-3–Hagai 1-2
No.1: Selelekela sa Sofonia le Hagai le Lebaka Leo li Leng Molemo (si-SU maq. 163-6 lir. 1-6, 10-12 maq. 166-8 lir. 1-7, 13-16)
No.2: Sofonia 2:1-15
No.3: Na ho Tla ha ’Muso oa Molimo ho Tlameha ho Emela ho Sokoloha ha Lefatše? (rs-SU leq. 343 lir. 2-3)
No.4: g‘’Muso oa Molimo o ke ke oa Tla Bophelong ba Ka’ (rs-SU leq. 344 lir. 1-2)
Dec. 16 ’Malo oa Bibele: Zakaria 1-8
No.1: Selelekela sa Zakaria (si-SU maq. 168-9 lir. 1-7)
No.2: Zakaria 6:1-15
No.3: Ke Eng e Bontšang Hore re Phela Mehleng ea Qetello? (rs-SU leq. 294 ser. 1)
No.4: Ke Joang Lintoa le Litlala e Leng Karolo ea “Pontšo”? (rs-SU leq. 294 ser. 2–leq. 295 ser. 3)
Dec. 23 ’Malo oa Bibele: Zakaria 9-14
No.1: Zakaria—Lebaka Leo e Leng Molemo (si-SU maq. 171-2 lir. 23-7)
No.2: Zakaria 9:1-17
No.3: Luka 21:11 e ’Nile ea Phethahala Joang ho Tloha ka 1914? (rs-SU leq. 295 ser. 4–leq. 296 ser. 2)
No.4: Ho Eketseha ha Tlōlo ea Molao ho Bontša’ng? (rs-SU leq. 296 ser. 3–leq. 297 ser. 1)
Dec. 30 Tlhahlobo e Ngoloang. ’Malo oa Bibele: Malakia 1-4
[Mongolo o botlaaseng ba leqephe]
a Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.
b Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.
c Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.
d Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.
e Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.
f Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.
g Ha nako e lumela, seithuti se lokela ho arabela lipolelo tsa mong’a ntlo, likhanyetso le lintho tse ling tse joalo, e le hore se finyelle se hlokahalang tšimong.