Kemiso ea Liboka Tsa Tšebeletso

TLHOKOMELISO: Tšebeletso ea Rōna ea ’Muso e tla ba le kemiso ea Seboka sa Tšebeletso bakeng sa beke e ’ngoe le e ’ngoe likhoeling tsa likopano tsa setereke. Liphutheho li ka ’na tsa etsa liphetoho moo ho hlokahalang e le hore li be teng Kopanong ea Setereke ea “Baboleli ba ’Muso ba Chesehang.” Ha ho lokela, sebelisa metsotso e 15 Sebokeng sa Tšebeletso sa beke ea pele ho kopano bakeng sa ho pheta likeletso tse tobileng tse kenyeletsong ea October tse tšoanelang sebaka sa lōna. Khoeling ea February 2003, ho tla lokisetsoa hore Sebokeng se seng sa Tšebeletso ho hlahlojoe lintlha tse ka sehloohong tsa kopano. Ho itokiselletsa puisano eo, kaofela ha rōna re ka nka lintlha tsa bohlokoa kopanong, ho akarelletsa le lethathamo la lintlha tseo re ratang ho li sebelisa bophelong ba rōna le tšebeletsong ea tšimo. Joale re ka itokisetsa ho hlalosa kamoo re sebelisitseng litlhahiso tseo kateng ka mor’a ho ba teng kopanong. Re tla hahana ha re bolellana kamoo re ruileng molemo taeong e molemo eo re e fumaneng.

Beke e Qalang ka la 9 December

Pina ea 193

15 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Lokisetsa lipontšo tsa kamoo ho ka tsamaisoang Tsoha! ea December 8 le Molula-Qhooa oa December 15, ho sebelisoa litlhahiso tse leqepheng la 8.

15 mets: “Bolela Molaetsa oa ’Muso.”a Ha le tšohla serapa sa 3, kenyelletsa litlhahiso tsa kamoo ho ka baloang Bibele ka ho toba kateng boboleling ba litaba tse molemo.—km-SU 12/01 leq. 1 ser. 3.

15 mets: Ba Nang le Temohisiso ba Tla Utloisisa. (Dan. 12:3, 10) Pontšo. Motho ea thahasellang oa botsa: “Ke tla tseba joang hore u utloisisa ka nepo seo Bibele e se rutang?” Mohoeletsi o mo hlalosetsa kamoo a ka etsang lipatlisiso Bibeleng kateng a sebelisa lihlooho. (w96-SU 5/15 maq. 19-20) A sebelisa mohlala o le mong kapa e ’meli e nkiloeng bukeng ea Ho Bea Mabaka, leqepheng la 209-13, o bontša kamoo re ileng ra utloisisa morero oa Molimo ka lefatše kateng ka ho hlahlobisisa Mangolo. Mohoeletsi o hlalosa kamoo mokhoa ona o ka sebelisoang ho utloisisa lithuto tse ling tsa Bibele ka nepo ’me o khothalletsa thuto ea Bibele.

Pina ea 119 le thapelo e koalang.

Beke e Qalang ka la 16 December

Pina ea 29

10 mets: Litsebiso tsa phutheho. Tlaleho ea lichelete. Bolela litokisetso tse khethehileng tsa tšebeletso ea tšimo bakeng sa la 25 December le la 1 January.

20 mets: Behang Litholoana Mosebetsing o Mong le o Mong o Molemo. Puo le puisano le bamameli. E fanoe ke moholo. Hlahloba histori le khatelo-pele ea phutheho ea heno, ho akarelletsa le se ileng sa etsoa se lebisitseng ho thehoeng ha phutheho. Lokisetsa esale pele hore ba bang ba neng ba le teng ka nako eo ba phete liphihlelo tse hahang. Bua ka keketseho e lebeletsoeng, ’me u khothalletse bohle ho tšehetsa mesebetsi ea phutheho ka cheseho.

15 mets: Litlhoko tsa phutheho.

Pina ea 154 le thapelo e koalang.

Beke e Qalang ka la 23 December

Pina ea 148

10 mets: Litsebiso tsa phutheho. Ho sebelisoa litlhahiso tse leqepheng la 8, bontša kamoo ho ka tsamaisoang Molula-Qhooa oa January 1 le Tsoha! ea January 8.

20 mets: “Na U Tlatsetsa ho Etsoeng ha Tlaleho e Nepahetseng?”b Ha le tšohla serapa sa 2, akarelletsa le litlhaloso tse bukeng ea Tšebeletso ea Rōna, leqepheng la 106-8.

15 mets: Liphihlelo. Kōpa phutheho ho pheta liphihlelo tseo ba li thabetseng ha ba e-ea le ha ba khutla kopanong ea setereke, ha ba le kopanong, kapa ha ba fana ka bopaki ba sa reroang mosebetsing, sekolong, mabenkeleng kapa libakeng tse ling.

Pina ea 165 le thapelo e koalang.

Beke e Qalang ka la 30 December

Pina ea 152

10 mets: Litsebiso tsa phutheho. Hopotsa bahoeletsi hore ba fe molebeli oa bona oa Thuto ea Buka ea Phutheho litlaleho tsa December tsa tšebeletso ea tšimo. Haeba phutheho ea lōna e tla fetola linako tsa liboka selemong se secha, ka mosa khothalletsa e mong le e mong ho kopanela kamehla ka linako tse ncha. Bolela lingoliloeng tse tla tsamaisoa ka January, u bolele libuka tseo phutheho e nang le tsona setokong.

20 mets: Sebelisa Buka ea Ho Bea Mabaka ho Fana ka Khothatso. Puisano le bamameli. Nako le nako motho e mong le e mong o hloka khothatso e lerato. Ka hona, kaofela ha rōna re lokela ho bona bohlokoa ba ho ‘bua ka mokhoa o tšelisang’ ho ba bang, ho akarelletsa ba tepeletseng maikutlo bao re kopanang le bona tšebeletsong. (1 Bathes. 5:14) Ho sebelisoa buka ea Ho Bea Mabaka, kōpa bamameli hore ba bolele hore na ke khothatso efe ea Mangolo eo ba ka e fang motho ea hlaheloang ke e ’ngoe ea liteko tse thathamisitsoeng leqepheng la 201-4. Khothalletsa hore e mong le e mong a leke ho khothatsa motho e mong neng le neng ha ho hlokeha.—Bagal. 6:10.

15 mets: “Ho Rua Molemo Lipuong Tsa Phatlalatsa.”c E fanoe ke molebeli ea okamelang kapa moholo ea hlokomelang lipuo tsa phatlalatsa. Etsa hore e sebetse phuthehong ea lōna.

Pina ea 147 le thapelo e koalang.

Beke e Qalang ka la 6 January

Pina ea 67

5 mets: Litsebiso tsa phutheho.

20 mets: “Hopola ba Tšepahalang ba Seng ba Hōlile.”d Akarelletsa le litlhaloso tse Molula-Qhooeng oa August 1, 1994, leqepheng la 29. Bolela tokisetso e entsoeng ea hore ba kulang ba tlalehe nako ea tšebeletso ea tšimo ka likarolo tsa metsotso e 15. Lokisetsa le ba seng bakae hore ba phete liphihlelo tse bontšang kamoo ho tloaelana le batho ba joalo ho tlisang litlhohonolofatso kateng.

20 mets: Ho se be Lihlong ka Litaba Tse Molemo. (Bar. 1:16) Mocha o buisana le ntate oa hae ka bothata bo itseng. Mocha enoa o leqe ho itsebahatsa e le e mong oa Lipaki Tsa Jehova hobane a tšaba ho songoa ke lithaka. Ntate o leboha mocha enoa ka ho bua ’nete ka taba ena. O mo phetela kamoo Petrose a ileng a itšoara kateng ka lekhetlo le leng ka lebaka la khatello ea lithaka. (Mat. 26:69-74) Ntate o fana ka keletso e latelang: Ha rea lokela ho ba lihlong ka seo re leng sona joaloka Bakreste. (Mar. 8:38) Ho molemo ho itsebahatsa u le Paki sekolong. Haeba a tseba, matichere a mangata a tla hlompha litumelo tsa hao ’me ha a na ho leka ho u kenyelletsa mesebetsing eo u sa lumellaneng le eona. Ha ho na ho ba bonolo hore bacha ba se nang mekhoa e metle ba leke ho u hatella hore u kene boitšoarong bo bobe. Tse ling tsa liithuti-’moho le uena li tla utloisisa habonolo hore na ke hobane’ng ha u khetha ho se laetsane, ho kenella lipapaling tsa ka mor’a sekolo, kapa ho kopanela linthong tse ling tse etsoang ka mor’a sekolo. Haeba nako e lumela, ntate le mocha ba buisana ka lintlha tse hlahang sehloohoaneng se reng “Ho Bolela Botsoalle ba Hao le Molimo Phatlalatsa” bukeng ea Bacha Baa Botsa, leqepheng la 315-18. Mocha o leboha keletso eo e molemo.

Pina ea 79 le thapelo e koalang.

[Mongolo o botlaaseng ba leqephe]