Tlhahlobo ea Sekolo sa Tšebeletso sa Puso ea Molimo

Tlhahlobo ea Sekolo sa Tšebeletso sa Puso ea Molimo

Lipotso tse latelang li tla tšohloa Sekolong sa Tšebeletso sa Puso ea Molimo bekeng e qalang ka la 26 June, 2006. Molebeli oa sekolo o tla tsamaisa tlhahlobo ea metsotso e 30 e thehiloeng boitsebisong bo akarelitsoeng lipuong tsa beke ea la 1 May ho ea ho la 26 June, 2006. [Tlhokomeliso: Moo ho sa bontšoang mohloli oa boitsebiso ka mor’a potso, u tla lokela ho iketsetsa lipatlisiso e le hore u fumane likarabo.—Bona buka ea Sekolo sa Tšebeletso, maq. 36-7.]

LITŠOBOTSI TSA PUO

1. Ho feto-fetoha ha molumo oa lentsoe ke eng, ’me ke hobane’ng ha e le habohlokoa? [La 1 May, be-SU leq. 111, mabokose]

2. Re ka fetola lebelo joang ha re fana ka puo? [La 8 May, be-SU leq. 112 lir. 3-6, lebokose]

3. Re ka hlaolela cheseho joang bakeng sa taba eo re buang ka eona, hona ke hobane’ng ha ntlha ee e le ea bohlokoa? [La 22 May, be-SU leq. 115 ser. 1–leq. 116 ser. 2, mabokose]

4. Ke hobane’ng ha e le habohlokoa hore re be le mofuthu ha re ruta ba bang, hona re ka thusoa ke eng ho o bontša? [La 5 June, be-SU leq. 118 ser. 2–leq. 119 ser. 5]

5. Hlalosa hore na boitšisinyo le ponahalo ea sefahleho ke tsa bohlokoa hakae ha re buisana le batho. (Mat. 12:48, 49) [La 19 June, be-SU leq. 121, mabokose]

PUO EA 1

6. Buka ea Jobo e phahamisa Jehova joang le litekanyetso tsa hae tse lokileng bakeng sa ho phela? [La 1 May, si-SU leq. 100 lir. 39, 41]

7. Ke eng se pakang bonnete ba Lipesaleme? [La 15 May, si-SU leq. 102 lir. 10-11]

8. Ha Liproverbia 13:16 e bua ka motho ea masene, na e bolela motho ea bolotsana? Hlalosa. [La 22 May, w04-SU 7/15 leq. 28 lir. 3-4]

9. Moea o halalelang ke mothusi ka tsela efe, ’me ho tseba see ho lokela ho re khothalletsa ho etsa eng? (Joh. 14:25, 26) [La 12 June, be-SU leq. 19 lir. 2-3]

10. Jesu o tla ka kutloisiso efe e akaretsang, ’me o ne a bua ka “ho tla” hofe tlalehong e ho Matheu 16:28? [La 19 June, w04-SU 3/1 leq. 16 lebokose]

’MALO OA BIBELE OA BEKE LE BEKE

11. Re ka ithuta eng karabelong ea Jobo ho Jehova lengolong la Jobo 42:1-6?

12. “Ntho ea lefeela” eo lichaba li ’nileng tsa honotha ka eona ke eng? (Pes. 2:1, 2)

13. Ke metheo efe e qhaqhoang? (Pes. 11:3)

14. Motho ea ikhohomosang o ‘putsoa ka mokhoa o fetisisang joang’? (Pes. 31:23)

15. Re ka fumana matšeliso afe Pesalemeng ea 40 a ka re thusang ho sebetsana ka katleho le ho se phethahale ha boetsalibe le litlokotsi tse sa tšoaneng tsa tsamaiso ee ea lintho? (Pes. 40:1, 2, 5, 12)