Litaba Tsa Puso Ea Molimo

◼ Re thabela ho le tsebisa hore tlaleho ea phutuho ea tšimo e sa abuoang ea 2007 e bile e ntle ka ho fetisisa tšimong ea rōna. Ho bile le keketseho e khōlō likarolong tsohle tsa tšebeletso. Jehova o hlohonolofalitse mosebetsi oa bahoeletsi ba 14 429 ba liphutheho tse 384 tsa Afrika Boroa, Botswana, Lesotho, Namibia le Swaziland ba ileng ba kopanela phutuhong ena. Ba ile ba tsamaisetsa batho ba thahasellang libuka tse 15 978, libukana tse 65 450 le limakasine tse 100 463. Ba ile ba qeta lihora tse 128 821 tšebeletsong, ’me ba etsa maeto a ho boela a 12 279. E bile ho khothatsang ka ho khethehileng ho hlokomela hore ho khanniloe lithuto tsa Bibele tse 1 975, e leng keketseho ea karolo ea 21 lekholong ho feta ka 2006. Re thahasella ho bona se tla etsahala phutuhong ea tšimo e sa abuoang ea 2008.