Kemiso ea Sekolo sa Tšebeletso sa Puso ea Molimo ea 2009
LITAELO
Ka 2009 ho tla sebelisoa litokisetso tse latelang ha ho tsamaisoa Sekolo sa Tšebeletso sa Puso ea Molimo.
MOHLOLI OA BOITSEBISO: Phetolelo ea Lefatše le Lecha ea Mangolo a Halalelang [bi12-SU], “Lengolo Lohle le Bululetsoe ke Molimo ’me le Molemo” [si-SU], Ithute ho Mosuoe e Moholo [lr-SU] le Ho Bea Mabaka ka Mangolo (Khatiso ea 1994) [rs-SU].
Sekolo se lokela ho qala KA NAKO ka mantsoe a kamohelo ebe se tsoela pele joalokaha ho hlalositsoe ka tlaase mona. Ka mor’a puo ka ’ngoe, molebeli oa sekolo o tla kenyelletsa puo e latelang.
LINTLHA-KHŌLŌ TSA ’MALO OA BIBELE: Metsotso e 10. Ka metsotso ea pele e mene, moholo ea tšoanelehang kapa mohlanka ea sebeletsang o lokela ho tšohla lintlha tsa Mangolo tse tsoang ’malong oa Bibele oa beke le beke. Mokhelo e tla ba ha ’malo oa Bibele oa beke le beke o qala ka khaolo ea pele ea buka e itseng ea Bibele. Maemong a joalo, lintlha tsa metsotso eo e mene ea pele li lokela ho nkoa bukeng ea “Lengolo Lohle.” Ka mohlala, likhaolo tsa pele tse hlano tsa Genese li tla tšohloa bekeng ea la 5 January, kahoo sebui se lokela ho khetha lintlha tse seng kae tsa sehlooho lirapeng tse qalang tse buang ka buka ea Genese bukeng ea “Lengolo Lohle.” Se lokela ho bontša kamoo taba e tla ruisa phutheho molemo. Ebang ho tšohloa ’malo oa Bibele oa beke le beke kapa lintlha tse tsoang bukeng ea “Lengolo Lohle,” morero o ka sehloohong ke ho thusa bamameli ho utloisisa hore na ke hobane’ng le hore na ke joang taba eo e leng ea bohlokoa. Sebui se lokela ho ba hlokolosi hore se se ke sa feta metsotso e mene e abetsoeng karolo e qalang. Se lokela ho tiisa hore se siea metsotso e tšeletseng bakeng sa hore bamameli ba fane ka litlhaloso tse khutšoanyane tsa metsotsoana e 30 kapa e ka tlaase ho moo tse bontšang hore na ba thabetse lintlha life ’malong oa Bibele oa beke le beke. Ka mor’a moo molebeli oa sekolo o tla lokolla liithuti tse filoeng lipuo likolong tse ling.
PUO EA 1: Metsotso e 4 kapa ka tlaase ho moo. Ona ke ’malo o lokelang ho etsoa ke mor’abo rōna. Seithuti se lokela ho bala taba eo se e abetsoeng se sa etse kenyelletso kapa sephetho. Ka ho khetheha molebeli oa sekolo o tla thahasella ho thusa liithuti hore li bale ka kutloisiso, li bale li sa khitlele, li hatise mohopolo ka ho loketseng, li feto-fetole molumo oa lentsoe, li khefutse moo ho loketseng ’me li bue ka tsela ea tlhaho.
PUO EA 2: Metsotso e 5. E tla abeloa morali’abo rōna. Seithuti se tla abeloa boemo ba puo kapa se ikhethele bona lethathamong le hlahang leqepheng la 82 bukeng ea Rua Molemo Thutong ea Sekolo sa Tšebeletso sa Puso ea Molimo. Seithuti se lokela ho sebelisa sehlooho se fanoeng ’me se se sebelise boemong ba tšebeletso ea tšimo ba sebele le bo sebetsang tšimong ea phutheho. Ha ho sa bontšoa hore na puo e hlaha mohloling ofe, ho tla hlokahala hore seithuti se ipatlele boitsebiso bakeng sa puo ena ka ho etsa lipatlisiso ka har’a lingoliloeng tsa rōna. Ka ho khetheha molebeli oa sekolo o tla rata ho sheba tsela eo seithuti se hōlisang taba ka eona le tsela eo se thusang mong’a ntlo ka eona ho nahana ka Mangolo le ho utloisisa lintlha tsa sehlooho tsa taba eo ho buuoang ka eona. Molebeli oa sekolo o tla abela seithuti mothusi a le mong.
PUO EA 3: Metsotso e 5. E ka fuoa mor’abo rōna kapa morali’abo rōna. Seithuti se lokela ho buella sehlooho se kemisong. Ha ho sa bontšoa hore na puo e hlaha mohloling ofe, ho tla hlokahala hore seithuti se ipatlele boitsebiso bakeng sa puo ena ka ho etsa lipatlisiso ka har’a lingoliloeng tsa rōna. Ha puo ena e abetsoe mor’abo rōna, o lokela ho fana ka eona e le puo e tobisitsoeng ho bamameli ba ka Holong ea ’Muso. Haeba e fuoe morali’abo rōna, kamehla e lokela ho fanoa ka tsela e boletsoeng Puong ea 2. Re kōpa le hlokomele hore lihlooho tse nang le naletsana, kamehla li lokela ho abeloa barab’abo rōna hore ba fane ka tsona e le puo, ’me ha ho khoneha, li lokela ho fuoa baholo kapa bahlanka ba sebeletsang.
KELETSO: Motsotso o le mong ho ea ho e ’meli. Molebeli oa sekolo a ke ke a bolela hore na seithuti se sebeletsa tšobotsing efe ea puo pele se beha puo. Ka mor’a Puo ea 1, ea 2 le ea 3, molebeli oa sekolo o tla fana ka litlhaloso tse molemo mabapi le tšobotsi ea puo e finyeletsoeng ka tsela e babatsehang, a totobatse mabaka a tobileng a hore na ke hobane’ng ha tšobotsi eo ea puo e finyeletsoe ka katleho, ’me a qotse buka ea Sekolo sa Tšebeletso mona le mane. Ho latela seo seithuti ka seng se se hlokang, keletso e eketsehileng e hahang e ka fanoa ka thōko ka mor’a seboka kapa ka nako e ’ngoe.
NAKO: Ha ho sebui se lokelang ho ja nako, le molebeli oa sekolo ha aa lokela ho ja nako ka litlhaloso. Puo ea 1, ea 2 le ea 3 li lokela ho emisoa ka bohlale ha nako e felile. Haeba barab’abo rōna ba fanang ka puo ea lintlha-khōlō tsa ’malo oa Bibele ba ja nako, ba lokela ho eletsoa ka thōko. Bohle ba lokela ho ela nako ea bona hloko. Nako ea lenaneo lohle: Metsotso e 30.
FOROMO EA KELETSO: E ka bukeng ea Sekolo sa Tšebeletso.
MOTLATSI OA MOLEBELI OA SEKOLO: Sehlopha sa baholo se ka khetha moholo ea tšoanelehang, haeba a le teng, hore e be motlatsi oa molebeli oa sekolo. Haeba ho e-na le baholo ba bangata phuthehong, baholo ba tšoanelehang ba ka chenchana ka kabelo ena selemo le selemo. Boikarabelo ba motlatsi oa molebeli oa sekolo e tla ba ho fana ka keletso ka thōko, haeba ho hlokahala, ho barab’abo rōna ba fanang ka lintlha-khōlō tsa Bibele. Ha ho hlokahale hore a fane ka keletso ka mor’a puo e ’ngoe le e ’ngoe eo baholo kapa bahlanka ba sebeletsang ba fanang ka eona.
TLHAHLOBO EA SEKOLO SA TŠEBELETSO SA PUSO EA MOLIMO: Metsotso e 20. Ka mor’a likhoeli tse ling le tse ling tse peli, ho tla ba le tlhahlobo ’me e tla tsamaisoa ke molebeli oa sekolo. Pele e etsoa ho tla ba le lintlha-khōlō tsa ’malo oa Bibele joalokaha ho bontšitsoe ka holimo. Tlhahlobo e tla thehoa boitsebisong bo ithutiloeng sekolong likhoeling tse peli tse fetileng, ho akarelletsa le bekeng ea tlhahlobo. Haeba phutheho ea habo lōna e e-na le kopano ea potoloho kapa ketelo ea molebeli oa potoloho bekeng ea Tlhahlobo ea Sekolo sa Tšebeletso sa Puso ea Molimo, joale tlhahlobo e lokela ho fetisetsoa bekeng e latelang ’me ho sebelisoe Puo ea 1, ea 2 le ea 3 ea beke eo e latelang. Kemiso ea ’malo oa Bibele oa beke le beke kapa ea lintlha-khōlō tsa Bibele ha ea lokela ho fetoloa.
KEMISO
Jan. 5 ’Malo oa Bibele: Genese 1-5
No. 1: Genese 3:1-15
No. 2: Lebaka Leo ka Lona Jesu e Bileng Mosuoe e Moholo (lr-SU khao. 1)
No. 3: Ke Ntho Efe eo e Seng Lefeela? (1 Bakor. 15:58)
Jan. 12 ’Malo oa Bibele: Genese 6-10
No. 1: Genese 9:1-17
No. 2: Ho Arabela ba sa Lumeleng ho Molimo (rs-SU leq. 334 ¶4–leq. 336 ¶1)
No. 3: Lengolo le Tsoang ho Molimo ea Lerato (lr-SU khao. 2)
Jan. 19 ’Malo oa Bibele: Genese 11-16
No. 1: Genese 14:1-16
No. 2: Ea Entseng Lintho Tsohle (lr-SU khao. 3)
No. 3: Jehova o re Bōpa Joang? (Esa. 64:8)
Jan. 26 ’Malo oa Bibele: Genese 17-20
No. 1: Genese 17:1-17
No. 2: Ke Hobane’ng ha Batho ba Hlōlehile ho Hloma ’Muso o Nang le Toka (rs-SU maq. 376-377 ¶1)
No. 3: Molimo o na le Lebitso (lr-SU khao. 4)
Feb. 2 ’Malo oa Bibele: Genese 21-24
No. 1: Genese 22:1-18
No. 2: “Enoa ke Mora oa Ka” (lr-SU khao. 5)
No. 3: Re ka Atolosa Lerato Leo re Ratang ba Bang ka Lona ka Litsela Life? (2 Bakor. 6:11-13)
Feb. 9 ’Malo oa Bibele: Genese 25-28
No. 1: Genese 25:1-18
No. 2: Mosuoe e Moholo o ne a Sebeletsa Batho ba Bang (lr-SU khao. 6)
No. 3: Ke Hobane’ng ha Boiteko ba Batho ba ho Tlisa Tharollo bo ke ke ba Atleha? (rs-SU maq. 377 ¶2–leq. 378 ¶1)
Feb. 16 ’Malo oa Bibele: Genese 29-31
No. 1: Genese 29:1-20
No. 2: Ke Hobane’ng ha re Lokela ho ‘Khaotsa ho Tšoenyeha’? (Mat. 6:25)
No. 3: Kutlo ea U Sireletsa (lr-SU khao. 7)
Feb. 23 ’Malo oa Bibele: Genese 32-35
Tlhahlobo ea Sekolo sa Tšebeletso sa Puso ea Molimo
Mar. 2 ’Malo oa Bibele: Genese 36-39
No. 1: Genese 39:1-16
No. 2: Ba Bang ba re Phahametse (lr-SU khao. 8)
No. 3: ’Muso oa Molimo ke Oona Feela o ka Rarollang Mathata a Batho (rs-SU leq. 378 ¶2–leq. 379 ¶1)
Mar. 9 ’Malo oa Bibele: Genese 40-42
No. 1: Genese 40:1-15
No. 2: Re Lokela ho Hanela Liteko (lr-SU khao. 9)
No. 3: Hlokomela Moea oa Boitaolo!
Mar. 16 ’Malo oa Bibele: Genese 43-46
No. 1: Genese 44:1-17
No. 2: Jesu o Matla ho Feta Bademona (lr-SU khao. 10)
No. 3: Boprofeta ba Bibele bo Ipakile bo Tšepahala ka ho Feletseng (rs-SU leq. 379 ¶2-5)
Mar. 23 ’Malo oa Bibele: Genese 47-50
No. 1: Genese 48:1-16
No. 2: Na re Lokela ho Tšaba Diabolose?
No. 3: Thuso eo Mangeloi a Molimo a Fanang ka Eona (lr-SU khao. 11)
Mar. 30 ’Malo oa Bibele: Exoda 1-6
No. 1: Exoda 1:1-19
No. 2: Jesu o re Ruta ho Rapela (lr-SU khao. 12)
No. 3: Na ho Folisa ka Mohlolo Mehleng ea Rōna ho Etsoa ka Moea oa Molimo? (rs-SU leq. 362 ¶1-5)
Apr. 6 ’Malo oa Bibele: Exoda 7-10
No. 1: Exoda 9:1-19
No. 2: Bao e Ileng ea E-ba Barutuoa ba Jesu (lr-SU khao. 13)
No. 3: Bagalata 6:2 le Bagalata 6:5 li Amana Joang?
Apr. 13 ’Malo oa Bibele: Exoda 11-14
No. 1: Exoda 12:21-36
No. 2: Lebaka Leo ka Lona re Lokelang ho Tšoarela (lr-SU khao. 14)
No. 3: Lipholiso Tsa Jesu le Barutuoa ba Hae li Fapana Joang le Tsa Mehleng ea Kajeno? (rs-SU leq. 363 ¶1-4)
Apr. 20 ’Malo oa Bibele: Exoda 15-18
No. 1: Exoda 15:1-19
No. 2: Ho Qoba Borapeli ba Bohata ho Akarelletsa’ng?
No. 3: Thuto ea ho ba Mosa (lr-SU khao. 15)
Apr. 27 ’Malo oa Bibele: Exoda 19-22
Tlhahlobo ea Sekolo sa Tšebeletso sa Puso ea Molimo
May 4 ’Malo oa Bibele: Exoda 23-26
No. 1: Exoda 24:1-18
No. 2: Ke Eng eo e Hlileng e Leng ea Bohlokoa? (lr-SU khao. 16)
No. 3: Bakreste ba ’Nete ba Khetholloa Joang Kajeno? (rs-SU leq. 363 ¶5–leq. 364 ¶3)
May 11 ’Malo oa Bibele: Exoda 27-29
No. 1: Exoda 29:1-18
No. 2: Tsela ea ho Thaba (lr-SU khao. 17)
No. 3: Botšepehi bo Fosahetseng le Likotsi Tsa Bona
May 18 ’Malo oa Bibele: Exoda 30-33
No. 1: Exoda 31:1-18
No. 2: Ke Hobane’ng ha Lekholong la Pele la Lilemo ho ne ho E-na le Lineo Tsa ho Folisa ka Mohlolo? (rs-SU leq. 365 ¶1-4)
No. 3: Na U Hopola ho Leboha? (lr-SU khao. 18)
May 25 ’Malo oa Bibele: Exoda 34-37
No. 1: Exoda 37:1-24
No. 2: Na ho Nepahetse ho Loana? (lr-SU khao. 19)
No. 3: Ho Lumella Ntho e ’Ngoe le e ’Ngoe ho Bolela’ng, ’me ke Hobane’ng ha re Lokela ho ho Qoba?
June 1 ’Malo oa Bibele: Exoda 38-40
No. 1: Exoda 40:1-19
No. 2: Na U Batla ho ba oa Pele Kamehla? (lr-SU khao. 20)
No. 3: Ho na le Tšepo Efe ea Hore Batho Bohle ba Folisoe e le Kannete? (rs-SU leq. 365 ¶5–366 ¶2)
June 8 ’Malo oa Bibele: Levitike 1-5
No. 1: Levitike 4:1-15
No. 2: Na re Lokela ho Ikhantša ka Ntho Leha e le Efe? (lr-SU khao. 21)
No. 3: Bakreste ba Lokela ho Sebelisa Matla a Bona a ho Laela Joang?
June 15 ’Malo oa Bibele: Levitike 6-9
No. 1: Levitike 8:1-17
No. 2: ‘Na U Lumela Pholiso?’ (rs-SU leq. 366 ¶3-4)
No. 3: Lebaka Leo ka Lona re sa Lokelang ho Bua Leshano (lr-SU khao. 22)
June 22 ’Malo oa Bibele: Levitike 10-13
No. 1: Levitike 11:29-45
No. 2: Lebaka Leo ka Lona Batho ba Kulang (lr-SU khao. 23)
No. 3: Litlhohonolofatso Tse Fumanoang ke Barutuoa ba Kolobelitsoeng
June 29 ’Malo oa Bibele: Levitike 14-16
Tlhahlobo ea Sekolo sa Tšebeletso sa Puso ea Molimo
July 6 ’Malo oa Bibele: Levitike 17-20
No. 1: Levitike 19:1-18
No. 2: Na Bohle re Phetse Sebakeng sa Moea Pele re Tsoaloa re le Batho ba Nama? (rs-SU leq. 223 ¶1–leq. 224 ¶4)
No. 3: Le ka Mohla U se ke Ua ba Lesholu! (lr-SU khao. 24)
July 13 ’Malo oa Bibele: Levitike 21-24
No. 1: Levitike 22:17-33
No. 2: Na Batho ba Etsang Lintho Tse Mpe ba ka Fetoha? (lr-SU khao. 25)
No. 3: Bakreste ba ’Nete ba Bontša Joang Hore ba Amehile ka Mafutsana?
July 20 ’Malo oa Bibele: Levitike 25-27
No. 1: Levitike 25:39-54
No. 2: Lebaka le Etsang Hore ho be Thata ho Etsa se Nepahetseng (lr-SU khao. 26)
No. 3: Hoja Adama a se ke a Etsa Sebe, na o ne a Tla Qetella a Ile Leholimong? (rs-SU leq. 224 ¶5-6)
July 27 ’Malo oa Bibele: Numere 1-3
No. 1: Numere 3:1-20
No. 2: Ke Hobane’ng ha Bonolo bo Hloka Boitšoaro?
No. 3: Molimo oa Hao ke Mang? (lr-SU khao. 27)
Aug. 3 ’Malo oa Bibele: Numere 4-6
No. 1: Numere 4:1-16
No. 2: Kamoo U ka Tsebang eo U Lokelang ho mo Mamela (lr-SU khao. 28)
No. 3: Na Motho o Tlameha ho ea Leholimong Hore a be le Bokamoso bo Thabileng? (rs-SU leq. 225 ¶1-3)
Aug. 10 ’Malo oa Bibele: Numere 7-9
No. 1: Numere 9:1-14
No. 2: Na ke Liphathi Tsohle Tse Thabisang Molimo? (lr-SU khao. 29)
No. 3: Re ka Bontša ka Litsela Life Hore re Tšepahala ho Jehova?
Aug. 17 ’Malo oa Bibele: Numere 10-13
No. 1: Numere 13:17-33
No. 2: Se ka re Thusang ho Hlōla Tšabo ea Rōna (lr-SU khao. 30)
No. 3: Lengolo la 1 Petrose 3:19, 20 le Bolela’ng? (rs-SU leq. 225 ¶4)
Aug. 24 ’Malo oa Bibele: Numere 14-16
No. 1: Numere 14:26-43
No. 2: Ho Rata Molao oa Molimo ho Bolela’ng? (Pes. 119:97)
No. 3: Moo re ka Fumanang Matšeliso Teng (lr-SU khao. 31)
Aug. 31 ’Malo oa Bibele: Numere 17-21
Tlhahlobo ea Sekolo sa Tšebeletso sa Puso ea Molimo
Sept. 7 ’Malo oa Bibele: Numere 22-25
No. 1: Numere 22:20-35
No. 2: Kamoo Jesu a Ileng a Sireletsoa Kateng (lr-SU khao. 32)
No. 3: Lengolo la 1 Petrose 4:6 le Bolela’ng? (rs-SU leq. 226 ¶1)
Sept. 14 ’Malo oa Bibele: Numere 26-29
No. 1: Numere 27:1-14
No. 2: Ho Laola Kelello ho Bolela Eng, ’me ke Hobane’ng e le Habohlokoa? (Baef. 6:4)
No. 3: Jesu a ka re Sireletsa (lr-SU khao. 33)
Sept. 21 ’Malo oa Bibele: Numere 30-32
No. 1: Numere 32:1-15
No. 2: Ho Tla Etsahala’ng Haeba re ka Shoa? (lr-SU khao. 34)
No. 3: Na Bakreste Bohle ba na le Tšepo ea ho Phela Leholimong? (rs-SU leq. 226 ¶2–leq. 227 ¶1)
Sept. 28 ’Malo oa Bibele: Numere 33-36
No. 1: Numere 33:1-23
No. 2: Re ka Tsoha Bafung! (lr-SU khao. 35)
No. 3: ’Muso oa Molimo o Phahametse Mebuso Eohle ea Batho ka Litsela Life?
Oct. 5 ’Malo oa Bibele: Deuteronoma 1-3
No. 1: Deuteronoma 2:1-15
No. 2: “Testamente e Ncha” e Re’ng ka Bophelo bo sa Feleng Lefatšeng? (rs-SU leq. 227 ¶2–leq. 228 ¶3)
No. 3: Ke Bo-mang ba Tla Tsosoa Bafung? Ba Tla Phela Hokae? (lr-SU khao. 36)
Oct. 12 ’Malo oa Bibele: Deuteronoma 4-6
No. 1: Deuteronoma 4:15-28
No. 2: Ho Hopola Jehova le Mora oa Hae (lr-SU khao. 37)
No. 3: Ke Neng Moo ho Leng Molemo ho ba le ho Honyenyane? (Liprov. 15:16)
Oct. 19 ’Malo oa Bibele: Deuteronoma 7-10
No. 1: Deuteronoma 9:1-14
No. 2: Lebaka Leo re Lokelang ho Rata Jesu ka Lona (lr-SU khao. 38)
No. 3: Bibele e Tšepisitse ba Bakae Ho Phela Leholimong? (rs-SU leq. 228 ¶4-5)
Oct. 26 ’Malo oa Bibele: Deuteronoma 11-13
Tlhahlobo ea Sekolo sa Tšebeletso sa Puso ea Molimo
Nov. 2 ’Malo oa Bibele: Deuteronoma 14-18
No. 1: Deuteronoma 15:1-15
No. 2: Ho Tšaba Molimo ho Akarelletsa’ng?
No. 3: Molimo o Hopola Mora oa Hae (lr-SU khao. 39)
Nov. 9 ’Malo oa Bibele: Deuteronoma 19-22
No. 1: Deuteronoma 22:1-19
No. 2: Kamoo re ka Thabisang Molimo Kateng (lr-SU khao. 40)
No. 3: Na ba 144 000 ke Bajuda ba Tlhaho Feela? (rs-SU leq. 229 ¶1-4)
Nov. 16 ’Malo oa Bibele: Deuteronoma 23-27
No. 1: Deuteronoma 25:1-16
No. 2: Bana ba Thabisang Molimo (lr-SU khao. 41)
No. 3: Ke Lintho Life Tseo re Lokelang ho li Nka li Halalela?
Nov. 23 ’Malo oa Bibele: Deuteronoma 28-31
No. 1: Deuteronoma 30:1-14
No. 2: Lebaka Leo re Lokelang ho Sebetsa ka Lona (lr-SU khao. 42)
No. 3: “Bongata bo Boholo” bo na le Tšepo Efe e Thehiloeng Mangolong? (rs-SU leq. 229 ¶5–leq. 230 ¶1)
Nov. 30 ’Malo oa Bibele: Deuteronoma 32-34
No. 1: Deuteronoma 32:1-21
No. 2: “Letsatsi le Leholo la Jehova” ke Eng? (Sof. 1:14)
No. 3: Bara le Barali Babo Rōna ke Bo-mang? (lr-SU khao. 43)
Dec. 7 ’Malo oa Bibele: Joshua 1-5
No. 1: Joshua 5:1-15
No. 2: Metsoalle ea Rōna e Lokela ho Rata Molimo (lr-SU khao. 44)
No. 3: ’Muso oa Molimo ke Eng? Kamoo re ka Bontšang Kateng Hore Rea o Batla (lr-SU khao. 45)
Dec. 14 ’Malo oa Bibele: Joshua 6-8
No. 1: Joshua 8:1-17
No. 2: Metsi a Timetsa Lefatše—Na a Tla le Timetsa Hape? (lr-SU khao. 46)
No. 3: Ke Hobane’ng ha Keletso ea Moeklesia 7:21, 22 e le Molemo?
Dec. 21 ’Malo oa Bibele: Joshua 9-11
No. 1: Joshua 9:1-15
No. 2: Kamoo re ka Tsebang Kateng Hore Armagedone e Atametse (lr-SU khao. 47)
No. 3: U ka Phela Lefatšeng le Lecha la Molimo la Khotso (lr-SU khao. 48)
Dec. 28 ’Malo oa Bibele: Joshua 12-15
Tlhahlobo ea Sekolo sa Tšebeletso sa Puso ea Molimo
[Mongolo o botlaaseng ba leqephe]
E abeloe barab’abo rōna feela, haholo-holo baholo kapa bahlanka ba sebeletsang.