Tšepa Matla a Jehova a ho Pholosa Batho ba Hae

Bala Numere 13:25–14:4 ho bona kamoo Baiseraele ba ileng ba hloleha ho tšepa Jehova kateng.

Ithute haholoanyane ka lintlha tse potolohileng taba. Baiseraele ba ne ba e-na le mabaka afe a ho tšepa hore Jehova a ka ba pholosa ha ba ne ba tsoa Egepeta? (Pes. 78:​12-16, 43-53) Ke eng e ileng ea etsa hore ba tlohele ho tšepa Jehova? (Deut. 1:​26-28) Joshua le Kalebe ba ile ba bontša joang hore ba tšepile Jehova?—Num. 14:​6-9.

Etsa lipatlisiso. Baiseraele ba ka be ba ile ba etsa’ng hore ba tšepe Jehova haholoanyane? (Pes. 9:10; 22:4; 78:11) Ke hobane’ng ha re lokela ho hlompha Jehova e le hore re ka mo tšepa?—Num. 14:11.

Nahana ka lintho tseo u ithutileng tsona. Ipotse:

• ‘Ke maemong afe moo ho ka bang thata hore ke tšepe Jehova ka ho felletseng?’

• ‘Nka etsa’ng e le hore ke tšepe Jehova haholoanyane hona joale, le nakong e tlang?’

• ‘Nka kholiseha ka eng ha mahlomola a maholo a ntse a atamela?’—Luka 21:​25-28.