Ho Nyarela ka Litabeng

Ho Tšerehanya—Na ke Thuso ea ho Hopola?

Sebokeng sa haufi tjena sa Mokhatlo oa Amerika ka tsoelopele ea mahlale, setsebihali sa pheha khang ea hore ho tšerehanya ho ke ke hoa tšepjoa joaleka thuso ea matla a ho hopola lipatlisisong tsa sepolesa. Martin Orne, moprofesa oa mafu a kelello Univesithing ea Pennsylvania, o hlokometse hore litšoantšiso tsa thelevishene hangata li bontša paki e tšerehantsoeng e hopola liketsahalo tse ling tse tšoarang senokoane. Empa a re bophelong ba sebele “ho se molemohali, bopaki bo ka hopoloang ka mokhoa o phahameng ka lebaka la ho tšerehanya bo motsoebere haholo.”

Moprofesa Orne o ile a bolella bo-ramahlale hore bothata ba ho hopotsa ka ho tšerehanngoa ke taba ea hore motšerehanyi a ka susumetsa khopolo ea eo a mo tšerehantseng: “Haeba motšerehanyi a lumela ho hong ho itseng, o tla ho qobella kelellong ea eo a motšerehanyang.” Ka baka leo, o itse, leha “U ka ’na ua hlokomela bopaki bo khothallelitsoeng ka ho tšerehanya liphuputsong, . . . ka lekhotleng u tlameha ho fana ka bopaki ba hore ha u-ua ka ua fetola khopolo ea paki eo.” Orne a hatisa hore, empa hang ha paki e tšerehantsoe, ha ho na tsela ea ho ba le bonnete ba taba eo.

Boitsebiso bo joalo bo lokela ho etsa hore Mokreste a nahane ka hloko hore na ho ikokobeletsa ho tšerehanngoa ho ka ama kamano ea hae le Molimo joang. Ka Mohlala, na ho ka thoe ea ikokobeletsang ho tšerehanngoa, ka ponahalo ea hona ea ho fetola mohopolo, o itšoare tumellanong le ‘taelo e kholo’ ea ho “rata Morena Molimo oa hao, . . . ka khopolo ea hao eohle”?—Mattheu 22:36, 37.

Ho Nyakurela Bokamoso

Tlhahlobong ea buka e bitsoang Predictions, makasine ea Britain New Scientist ea lumela tšekamelo ea kajeno ea bohanyetsi bo hanyetsanang le boprofeta ba Bibele, ea re hoo “e se e le tloalo morao tjena ho bolela nako eo libuka tsa Bibele li ngotsoeng ka eona ka boprofeta ba tsona.” Ho etsa mohlala, mohlahlobi a tšehetsa taba ea hore “Luka, eo ka ho hlakileng e buang ka boprofeta ba ho oa ha Jerusalema (Luka 19:43, 44), ka kholiseho e ngotsoe kamor’a AD 70 ha ketsahalo eo e etsahala.”

Mohlahlobi o tsoelapele ho nyenyefatsa boprofeta ba batho bo tšehetsoang bukeng ’me joale o soma boprofeta ba Daniele ba ‘ho phahama ka mohlolo ha Alexandere e moholo le ho oa ha ’Muso oa Medo-Persia,’” oo a o somang hore ‘ka baka leo oa fetoha “Phooko e ileng ea natlafala; ’me ea-re ha e le matla lenaka le lelelele la khoroha.’”

Leha ho ka ’na hoa e-ba le lebaka la ho nyatsa boholo ba boprofeta ba batho, ha a leka ho nyenyefatsa boprofeta ba Bibele, mohlahlobi a bontša tšekamelo ea hae le ho hlahatsa ho haelloa ha hae ho etsa liphuputso. Boprofeta ba Daniele ha boa ka ba kenyelletsa feela “phooko” ea tšoantšetso le “Lenaka” la tšoantšetso. Bo sebelisa litšoantšo tse joalo, ka mokhoa o hlakileng bo bolela pele ho nako pale ea pele le kamorao ho phooko ’me e khetholla litsobotsi ka ho khetheha: “Phooka ke morena oa ba-Gerike, ’me lenaka le lelelele le lipakeng tsa mahlo a eona ke Morena oa pele.”—Daniele 8:3-22.

Ho Kula—“Na ke Lefa la Batho”?

“Bophelo bo bolelele bo ke keng ba baloa ba matla a beang ka mokhoa o tšoarellang bo lebelletsoe merianeng ea kamoso,” kamoo ho boletseng moprofesa H. E. Richter kopanong ea Jeremane ea Mashome a Mararo ea Lingaka Berlin Bophirima. Leha ho le joalo, ê ngaka ea bolela ka matla hore, batho ba ’nile ba thetsoa ka “lipolelo tse feteletseng” tse bakoang ke boikutlo ba meriana e ileng ea phahama ka potlako lekholong la lilemo le fetileng.

Ho e-na le hoo, Moprofesa Richter a tsitlella, “Likhaello tsa meriana li bonoa ka ho hlakileng” ka Iinako tsa haufi tjena, empa batho ba ntse ba “tsitlella ho tšoarella Iitebellong tsa bona tsa bohata tse metseng ka metso, ba jarisa lingaka molato ka ho hloleha ho phethahatsa phetheho e batloang ke batho merianeng.” Ho e-na le ho khoramela litebellong tsa bohata, ngaka e boletse hore “re tlameha ho amohela ho kula, ho fokola le ho shoa joaleka lefa la batho ’me re tlameha ho lebala litoro tsa Meriana tsa ho koena ka nako tsohle le matla a ho tšoarella.”

Ka maikutlo a batho, Moprofesa Richter ha ho pelaelo o nepile khakanyong ea hae ea se ka etsoang ke meriana. Leha ho le joalo, bophelo ba motho bo phethehileng bo ke ke ba tla ka ho phunyeletsa hoa meriana empa ka melemo e folisang e fanoeng ke Ngaka e kholo, Jehova Molimo. O tšepisa hore haufinyane o tla etsa “lefatše le lecha” moo ‘lefeng la batho’ lefu le tlabeng le le sieo, “ha ho sa tla ba masoabi, leha e le ho bokolla kapo bohloko.”—Tšenolo 21:1-5; bapisa Esaia 33:24.