Letsatsi la Sehopotso
Ha Letsatsi le se le Liketse
Labobeli, la 11 April
Kreste o ile a re shoela.—Bar. 5:8.
Ha Jesu a le lefatšeng, o ile a tšehetsa tokelo ea Molimo ea ho busa, ’me a bontša hore motho ea phethahetseng a ka tšepahala ho Molimo esita le linakong tse thata. Re lokela ho ananela hore ebe Jesu o re shoetse, kahoo a lefa thekollo, kaha e bulela batho monyetla oa hore ba phele ka ho sa feleng lefatšeng le lecha la Molimo! Moapostola Johanne o ile a ngola a re: “Lerato la Molimo le ile la bonahatsoa ho rōna ka sena, hobane Molimo o ile a romela Mora oa hae ea tsoetsoeng a ’notši lefatšeng e le hore re ka fumana bophelo ka eena. Lerato le ka tsela ena, eseng hore re ratile Molimo, empa hore o ile a re rata ’me a romela Mora oa hae e le sehlabelo sa poelano bakeng sa libe tsa rōna.”—1 Joh. 4:9, 10. w15 11/15 3:13, 14
’Malo oa Bibele oa Sehopotso: (Liketsahalo tsa motšehare oa la 13 Nisane) Luka 22:7-13; Mareka 14:12-16 (Liketsahalo tsa mantsiboea a la 14 Nisane) Luka 22:14-65