Jehova o tla re thusa ho loantša menahano e fosahetseng, ha re mo kōpa. Mohlomong pele re ithuta ka eena re ne re rata ho etsa lintho tseo a sa li rateng, ebile e ka ’na eaba re ntse re loantša takatso ena e fosahetseng. Empa Jehova a ka re thusa hore re fetohe ’me re etse lintho tse mo khahlisang. Ka mohlala, ka mor’a hore Morena Davida a etse bofebe le Bathe-sheba, o ile a baka ’me a kōpa Jehova hore a mo fe “pelo e hloekileng” le ho mo thusa ho mamela. (Pes. 51:10, 12) Kahoo, haeba nakong e fetileng re ne re e-na le takatso e matla e fosahetseng ’me re ntse re e loantša, Jehova a ka re thusa hore re be le takatso ea ho mo mamela le ho etsa se nepahetseng. A ka re thusa hore re laole menahano e fosahetseng.—Pes. 119:133. w15 6/15 3:5, 6