Morena oa rōna o re file lithulusi tseo re ka li sebelisang ho thusa batho hore ba amohele molaetsa oa rōna. Lithulusi tse ling li ile tsa sebetsa ka nakoana, ha tse ling tsona li ntse li sebelisoa le kajeno. Empa kaofela ha tsona li re thusitse ho ntlafatsa mokhoa oa rōna oa ho bolela. Ka 1933, bahoeletsi ba ile ba qala ho sebelisa karete ea bopaki, e ileng ea thusa batho ba bangata ho qala ho bolela. E ne e le karete e nyenyane e nang le molaetsa o mokhutšoanyane oa Bibele. Karete ea bopaki e ne e thusa bahoeletsi ka litsela tse ngata. Bahoeletsi ba bang ba ne ba le lihlong, ’me le hoja ba batla ho paka ba ne ba sa tsebe hore na ba re’ng. Ba bang ba ne ba le sebete haholo. Ba bolella mong’a ntlo sohle seo ba se tsebang ka metsotso e seng mekae, ba bile ba bua ka tsela e hlabang. Karete ea bopaki e ne e thusa bahoeletsi bohle hore ba fane ka molaetsa o hlakileng le o utloahalang. w15 11/15 5:3-6