• Ke’ng e Tla U Thusa Hore U Tsoele Pele U Ithuta Bibele?
    U ka Thaba ka ho sa Feleng!—Lenaneo la ho Ithuta Bibele

    • 4. Etsa hore thuto ea Bibele e be ea bohlokoa ho uena

      Ka linako tse ling ho ba le lintho tse ngata tseo re li etsang hoo re bonang eka ha re na nako e lekaneng ea ho ithuta Bibele. Ke’ng e ka u thusang? Bala Bafilipi 1:​10 ebe le buisana ka lipotso tsena:

      • U nahana hore tse ling tsa “lintho tsa bohlokoa haholo” bophelong ke life?

      • U ka etsa’ng e le hore thuto ea Bibele e be ea bohlokoa ho uena?

      A. Litšoantšo: Liketsahalo tse bontšang ha ho tšeloa lehlabathe le majoe ka emereng. 1. Qubu ea lehlabathe le qubu ea majoe. 2. Emere e batlileng e tlala lehlabathe. 3. Majoe a maholo a holim’a lehlabathe le a oetseng fatše. B. Litšoantšo: 1. Qubu ea lehlabathe le qubu ea majoe. 2. Emere e batlileng e tlala majoe. 3. Lehlabathe le keneng lipakeng tsa majoe a maholo ’me le tlatsitse emere. Qubu e nyane ea lehlabathe e oetse ka ntle ho emere.

      1. Haeba u tlatsa emere ka lehlabathe ebe u leka ho tšela majoe, a ke ke a fella ka moo

      2. Haeba u tšela majoe pele, u tla fumana sebaka sa ho tšela lehlabathe. Ka tsela e tšoanang, haeba u etsa “lintho tsa bohlokoa haholo” pele bophelong ba hao, u tla khona ho li finyella le ho ba le nako ea ho etsa lintho tse ling

      Ho ithuta Bibele ho khotsofatsa tlhoko ea rona ea moea, e leng ho batla ho tseba le ho sebeletsa Molimo. Bala Matheu 5:3 ebe le buisana ka potso ena:

      • Re fumana molemo ofe ha re etsa hore thuto ea rona ea Bibele e be ntho ea bohlokoa bophelong ba rona?