Re Jaleng Peo ea ’Muso

1. Re sebeletse mong’a rona.

Re mamele taelo ea hae.

O batla ho re tataisa

’Me re ithute ho eena.

Joale peo ea ’nete e tla hola

Lipelong tse tšepahalang.

Sebetsang ka matla le botšepehi

Mosebetsing oo le o filoeng.

2. Ha’u sebetsa ka matla tšimong,

U tla thusa ba bangata

Ho tseba Molimo oa rona

Le ho phetha thato ea hae.

U ba thuse ho hlola mathata

A ba hlahelang bophelong.

Tsoelo-pele ea bona tsatsi ka leng

E tla u thabisa haholo.