Mabaka a Rōna a ho Thaba

1. Mabaka a thabo’a mangata,

Re nyakaletse ka hohle.

Tse lakatsehang tsa lichaba

Li hlaha lefatšeng lohle.

Pelo tsa rōna li thabile,

Li bile li nyakaletse.

Re ithuta Lentsoe la ’Mōpi;

Joale re ba le tumelo.

Mabaka a thabo a matla,

Joaloka rato le tukang.

Leha re ena le mathata,

Jehova o tla re thusa.

2. Re ananela pōpo ea hae,

Lefatše le maholimo.

Re nyakalla ha re li bona,

Re thoholetsa Molimo.

A re mo pakeleng ka tlhōlo,

Re phatlalatseng ka ’Muso.

Litaba tsa tsoalo ea oona,

A re li haseng ka thabo.

Joale nyakallo e haufi,

Tsatsi leo le atametse.

O tšepisa fatše le lecha,

Moo bohle re tla nyakalla.