PINA EA 75
“Ke ’na Enoa. Roma ’Na”
1. Mehleng ena batho ba bang
Ha ba sa hlompha Jehova.
Ba re Molimo o khopo,
Ba bile ba re ha a eo.
Ke mang ea tla mo emela?
Ke mang ea tla mo rorisa?
(K’HORASE 1)
‘Morena ke teng, roma ’na.
Ke ’na ea tla u rorisa.
Ke rata ho u sebeletsa.
Ke ’na enoa. Roma ’na.’
2. Ba bang ba re oa lieha.
Ho hang ha ba sa mo tšaba.
Ba iketsetsa melimo,
Ba bile baa e rapela.
Ke mang ea tla ba lemosa
Ka ntoa ea Armagedone?
(K’HORASE 2)
‘Morena ke teng, roma ’na.
Ke ’na ea tla ba lemosa.
Ke rata ho u sebeletsa.
Ke ’na enoa. Roma ’na.’
3. Ba bonolo baa tšoenyeha
Ha bobe bo eketseha.
Ba lula ba batla ’Mopi,
A ba fe khotso ea ’nete.
Ke mang ea tla ba tšelisa,
A ba rute ka Jehova?
(K’HORASE 3)
‘Morena ke teng, roma ’na.
Ke tla ba ruta ka uena.
Ke rata ho u sebeletsa.
Ke ’na enoa. Roma ’na.’
(Sheba le Pes. 10:4; Ezek. 9:4.)