Lokisetsa Likarabo Tse Khothatsang

Kaofela ha rona re na le tlotla ea ho khothatsa bara le barali ba bo rona ka likarabo tsa rona ha re le libokeng. (Baheb. 10:24, 25) Re ka lokisetsa likarabo tse tla khothatsa ba bang e le ka ’nete joang?

• Rapela Jehova. Mo kope hore a u thuse ho fana ka karabo e tla mo tlotlisa le ho khothatsa ba bang.—Pes. 35:18.

• Ikemisetse ho araba ka mantsoe a hao, ho e-na le ho bala feela se ngotsoeng. Ha u araba ka mantsoe a hao, ba bang ba tla rua molemo ha ba utloa u hlalosa tumelo ea hao.

• Fana ka karabo e khutšoanyane. Hangata likarabo tse khutšoanyane le tse bonolo ke tsona tse khothatsang ba bang ka ho fetisisa, hape li fa batho ba bangata monyetla oa ho nka karolo libokeng.—Liprov. 10:19.

• Bua lintho tse khothatsang. Qoba ho fana ka likarabo tse khalemelang kapa tse kobisang phutheho kapa Mokreste-’moho le uena.

Le haeba u sa khethoe, u ntse u ka khona ho khothatsa ba bang. Mamela ka hloko ha ba bang ba araba ’me u ba bolelle hore u thabetse likarabo tsa bona.—Liprov. 10:21.