Sefate se Thunyang Pele

Sefate sa almonde ke se seng sa lifate tse ka bang 30 tse hlahang ka Bibeleng. Se har’a lifate tse thunyang pele ka mor’a mariha. Lithunthung tsa sona tse ntle tse pinki kapa tse tšoeu li hlaha mafelong a January pele lifate tse ling li thunya. Kahoo, lebitso la sefate sena e leng almonde, ka Seheberu le bolela “ea tsohang hoseng.” Na ho na le ntho eo sefate see se tšoanang le ’Mopi oa sona ka eona?

Naletsaneng e hlahang ho Jeremia 7:25, Jehova o re o tsoha hoseng. Molula-Qhooa oa March 15, 2011 o re: “Hantle feela joalokaha sefate sa almonde se ne se ‘phahama’ hoseng, ka tsela ea tšoantšetso Jehova le eena o ‘tsoha hoseng’ . . . ho lemosa batho ba hae ka liphello tsa ho se mamele. . . . Hape o ne a sa phomole. O ne a ‘lula a falimehile’ ho fihlela mantsoe a hae a boprofeta a phethahetse.”—Jer. 1:11, 12.

Ka Bibeleng, lithunthung tse tšoeu tsa sefate sa almonde li boetse li sebelisoa ho tšoantšetsa moriri o moputsoa oa batho ba holileng. (Moek. 12:5) Hape likhakeletsi tse neng li le makaleng a seluloana sa lebone li ne li bopehile joaloka thunthung ea almonde, mohlomong ka lebaka la botle ba eona.—Ex. 37:17-20.