Maléakhi

4 Yéhuwa, pangawasa pasukan sorga, ngucap kieu, ”Poé éta bakal datang. Kaayaan dina poé éta bakal panas kawas di pameuleuman.+ Kabéh jalma nu lancang jeung jahat bakal jadi kawas jarami. Dina poé éta, kabéhanana pasti dimusnakeun nepi ka euweuh sésana, boh akarna boh cabangna, moal nyésa. 2 Tapi, maranéh nu hormat* ka ngaran Kuring mah bakal kasorot ku panonpoé nu mawa bebeneran, nu sinarna matak nyageurkeun. Maranéh bakal ajrug-ajrugan kawas anak sapi nu lintuh.”

3 ”Dina poé Kuring ngalaksanakeun éta, jalma jahat bakal ditincakan ku maranéh nepi ka jadi kekebul handapeun suku maranéh,” ucap Yéhuwa, pangawasa pasukan sorga.

4 ”Sing inget kana Hukum nu dibikeun ku Kuring ka Musa hamba Kuring di Horéb. Éta téh aturan jeung putusan hukum nu kudu dijalankeun ku sakabéh urang Israél.+

5 ”Kuring ngutus Nabi Élia*+ ka maranéh saacan datangna poé Yéhuwa nu hébat jeung matak tajub.+ 6 Manéhna bakal ngarobah haté para bapa jadi kawas haté barudak,+ sarta haté barudak jadi kawas haté para bapa. Ku kituna, Kuring moal datang pikeun nyilakakeun jeung ngabinasakeun bumi.”

(Ahir tarjamahan Kitab-Kitab Ibrani-Aram, diteruskeun ku Kitab-Kitab Yunani Kristen)