30 ”Lamun sakabéh omongan nu ditepikeun ku kuring geus kajadian ka maranéh, boh berkahna boh kutukna,+ tuluy di nagri tempat maranéh dipaburencaykeun ku Yéhuwa Allah maranéh,+ maranéh inget kana sakabéh hal éta,+ 2 seug maranéh jeung turunan maranéh ku sapinuhna haté jeung sagemblengna nyawa*+ baralik deui ka Yéhuwa Allah maranéh,+ sarta nurut kana ucapan Anjeunna nu ditepikeun ku kuring poé ieu, 3 maranéh bakal dibawa balik deui ku Yéhuwa Allah maranéh ti tempat maranéh ditawan.+ Anjeunna bakal némbongkeun welas asih+ sarta ngumpulkeun deui maranéh ti bangsa-bangsa tempat maranéh dipaburencaykeun ku Yéhuwa Allah maranéh.+