BAGIAN 8

Kumaha Maotna Nabi Isa Méré Mangpaat keur Sadérék?

Nabi Isa maot supaya urang bisa hirup langgeng. Yohanes 3:16

Awéwé-awéwé ningali makam Nabi Isa nu geus kosong

Tilu poé sanggeus Nabi Isa maot, sababaraha awéwé datang ka makamna, ari pék téh éta makam kosong. Yéhuwa geus ngahirupkeun deui anjeunna.

Nabi Isa nunjukkeun dirina ka para rasul, terus anjeunna diangkat ka sawarga

Terus, Nabi Isa némbongkeun diri ka babaturanana, nyaéta para rasul.

Yéhuwa geus ngahirupkeun deui Nabi Isa jadi mahluk roh perkasa nu moal bisa maot. Murid-muridna ningali basa Nabi Isa diangkat ka sawarga.

Gusti ngahirupkeun deui Nabi Isa sarta ngajadikeun anjeunna Raja pikeun Karajaan Allah. Daniel 7:13, 14

Tina tahtana dina Karajaan, Nabi Isa maréntah jalma-jalma di Pirdaus di bumi

Nabi Isa masrahkeun nyawana supaya manusa bébas tina dosa jeung maot. (Mateus 20:28) Ku cara kitu, Gusti bisa masihan kahirupan langgeng ka jalma-jalma nu taat.

Yéhuwa ngalantik Nabi Isa jadi Raja pikeun maréntah bumi. Aya 144.000 jalma satia nu dihirupkeun deui ka sawarga. Babarengan jeung Nabi Isa, maranéhna bakal jadi raja dina Karajaan Allah di sawarga.—Wahyu 14:1-3.

Karajaan Allah bakal mulihkeun bumi jadi pirdaus. Perang, kajahatan, kamiskinan, jeung kalaparan moal aya deui. Jalma-jalma bakal saruka bungah.—Jabur 145:16.