BAGIAN 9

Iraha Bumi Bakal Jadi Pirdaus?

Masalah-masalah dunya ngabuktikeun yén sakeudeung deui Karajaan Allah bakal nyieun bumi jadi Pirdaus. Lukas 21:10, 11; 2 Timoteus 3:1-5

Masalah nu umum dina ahir jaman saperti judi, perang, panyakit, kalaparan, ngalawan ka kolot, jeung kakerasan rumah tangga

Loba kajadian dina jaman ayeuna geus diramalkeun dina Kitab Suci. Misalna, jalma-jalma bakal cinta kana duit, ngalawan ka kolot, bengis, jeung leuwih resep senang-senang.

Di mana-mana, bakal aya lini nu hébat, perang, bahla kalaparan, jeung wabah panyakit. Éta kabéh geus kajadian ayeuna.

Saurang Saksi Yéhuwa nyaritakeun kabar gumbira ngeunaan Karajaan ka saurang lalaki

Nabi Isa ogé ngomong yén kabar gumbira ngeunaan Karajaan Allah bakal diwartakeun di sakuliah dunya.—Mateus 24:14.

Karajaan Allah bakal numpes kabéh kajahatan. 2 Petrus 3:13

Nu jarahat dimusnakeun di Armagédon, terus Sétan jeung roh-roh jahat dihukum

Moal lila deui, Yéhuwa bakal ngabasmi nu jarahat.

Sétan jeung roh-roh jahat bakal dihukum.

Nabi Isa dina tahtana di sawarga jeung jalma-jalma ti rupa-rupa bangsa saruka bungah

Nu ngadangukeun Gusti bakal salamet jeung hirup tengtrem di Pirdaus. Moal aya deui nu ngarasa sieun sabab kabéh bakal silih percaya jeung silih pikanyaah.