Sing Silih Hatéan

1. Bari urang silih titénan

Jeung némbongkeun kahadéan,

Tatali dulur beuki kuat,

Satia ngawula Allah.

Asih, ciri ti umat Huwa,

Ngahasilkeun katabahan.

Sidang urang panyalindungan,

Tempat nu tengtrem tur aman.

2. Kekecapan anu merenah

Matak raos kana manah.

Urang ditegerkeun haténa

Ku dulur nu mikanyaah.

Bungahna gawé sauyunan

Jeung dulur-dulur saiman.

Hayu urang silih tulungan

Dina nyorang kasusahan.

3. Ku iman, urang bisa ningal

Santekna poé Yéhuwa.

Urang t’rus ngumpul babarengan

Sangkan pengkuh di jalan Yah.

Mugia urang salawasna

Ngahiji jeung umat Huwa.

Hayu urang silih hatéan,

T’rus jaga kasatiaan.