KAWIH 95
Jalan Urang Beuki Caang
1. Nabi kapungkur hayang kenal Kristus
Nu jadi harepan manusa.
Anjeunna téh jalan kasalametan
Nu disingkabkeun dina Firman.
Ayeuna Yésus Kristus geus maréntah,
Bukti-buktina geus nyata.
Bungahna bisa apal ka hal éta,
Malaikat gé hayangeun apal.
(REFREIN)
Jalan urang téh beuki caang
Lir panonpoé manceran.
Allah nyingkabkeun bebeneran
Nu ngabingbing hirup urang.
2. Kristus geus ngalantik gandék satia
Nu ngurus dahar pas waktuna.
Urang jadi terang kana beb’neran
Nu nyaangan haté pikiran.
Urang ngaléngkah di jalan nu bener,
Haté urang beuki teger.
Nuhun Yéhuwa, sumber bebeneran,
Geus nungtun urang di jalan-Na.
(REFREIN)
Jalan urang téh beuki caang
Lir panonpoé manceran.
Allah nyingkabkeun bebeneran
Nu ngabingbing hirup urang.
(Tingali ogé 1 Kor. 2:10; 1 Pet. 1:12.)