BAB 22
Kumaha Anjeun Bisa Ngawawarkeun Warta Hadé?
Waktu anjeun apal bebeneran tina Alkitab, meureun anjeun mikir, ’Wah, kabéh jalma kudu nyaho hal ieu!’ Nya, éta téh mémang bener. Tapi, anjeun meureun sieun pikeun méré nyaho batur. Hayu urang bahas kumaha supaya anjeun teu ngarasa sieun deui jeung bisa resep ngabagikeun warta hadé tina Alkitab.
1. Kumaha carana ngabagikeun warta hadé ka kulawarga atawa babaturan anjeun?
Murid-muridna Nabi Isa ngomong, ”Urang mah moal eureun nyaritakeun sagala nu ditingali jeung didéngé ku urang.” (Kisah 4:20) Maranéhna ngahargaan pisan nu geus diajarkeun ku Nabi Isa. Jadi, maranéhna hayang nyaritakeunana ka saloba-lobana jalma. Na anjeun gé ngarasa jiga kitu? Mun enya, pék téangan kasempetan pikeun ngabagikeun warta hadé ka kulawarga jeung babaturan anjeun ku cara nu sopan.—Baca Kolose 4:6.
Cara ngamimitianana
Waktu ngobrol jeung kulawarga, pék caritakeun hiji topik tina Alkitab. Anjeun bisa ngomong, ”Éh, aya nu alus yeuh!”
Bagikeun ayat nu bisa ngahibur babaturan nu keur gering atawa hariwang.
Waktu aya batur gawé nu nanyakeun kagiatan anjeun dina ahir minggu, anjeun bisa méré nyaho hal-hal alus tina palajaran Alkitab anjeun atawa tina pasamoan.
Tunjukkeun situs Internét jw.org ka babaturan anjeun.
Ajak batur pikeun miluan pas anjeun diajar Alkitab. Atawa, tunjukkeun carana ménta palajaran Alkitab liwat jw.org.
2. Ku naon alus mun anjeun boga cita-cita pikeun ngawawar bareng jeung dulur saiman?
Murid-muridna Nabi Isa teu ngan saukur ngabagikeun warta hadé ka kulawarga atawa babaturanana hungkul. Nabi Isa ”ngutus maranéhna duaan-duaan . . . ka kabéh kota” pikeun ngawawar. (Lukas 10:1) Ku kituna, aya leuwih loba jalma nu bisa ngadéngékeun warta hadé. Terus, murid-murid Nabi Isa gé atoh pisan lantaran bisa ngawawar bareng jeung dulur-dulur saimanna. (Lukas 10:17) Na anjeun gé daék ngawawar bareng jeung dulur-dulur saiman di sidang?
HAYU NGULIK
Tingali kumaha carana supaya anjeun teu sieun deui jeung bisa ngarasakeun bungahna ngabagikeun warta hadé ka batur.
3. Yéhuwa bakal ngabantu anjeun
Sababaraha jalma nu hayang ngabagikeun warta hadé meureun ngarasa sieun. Maranéhna mikirkeun kumaha pandangan batur engké atawa kumaha mun batur embung ngadéngékeun warta hadé.
Na anjeun ngarasa sieun waktu rék ngabagikeun warta hadé? Ku naon?
Setél VIDÉO, terus bahas:
Ku naon sadérék-sadérék ngora éta jadi wani?
Baca Yesaya 41:10, terus bahas:
Mun anjeun sieun waktu rék ngabagikeun warta hadé, ku naon anjeun kudu ngadoa?
Anjeun apal teu?
Loba Saksi Yéhuwa baheulana ngarasa moal pernah bisa ngawawarkeun warta hadé. Misalna Sergey. Manéhna téh teu percaya diri jeung éra mun kudu ngobrol jeung batur. Tapi, ka dieunakeun manéhna diajar Alkitab. Sergey ngomong, ”Najan urang sieun, urang daék ngabagikeun warta hadé ka batur. Urang teu nyangka, geuning sanggeus ngabagikeun warta hadé ka batur, urang téh jadi leuwih percaya diri. Urang gé jadi beuki yakin kana bebeneran Alkitab.”
4. Ngomong ku cara nu sopan
Waktu ngabagikeun warta hadé ka batur, anjeun kudu mikirkeun naon nu rék diomongkeun. Terus, anjeun gé kudu mikirkeun kumaha cara ngomongkeunana. Baca 2 Timotius 2:24 jeung 1 Pétrus 3:15, terus bahas:
Kumaha anjeun bisa nuturkeun naséhat dina ayat-ayat ieu waktu ngabagikeun bebeneran Alkitab?
Meureun aya kulawarga atawa babaturan anu teu satuju jeung anjeun. Mun kitu, anjeun kudu kumaha? Tapi, naon nu ulah anjeun lakukeun?
Ku naon méré pananya ku cara nu sopan téh leuwih alus tibatan ngan saukur méré nyaho naon nu bener?
5. Bungahna ngawawarkeun warta hadé
Yéhuwa méré tugas ka Nabi Isa pikeun ngawawarkeun warta hadé. Kumaha pandangan Nabi Isa kana tugas ieu? Baca Yahya 4:34, terus bahas:
Urang bakal séhat jeung senang mun ngadahar dahareun nu loba gizina. Ku naon Nabi Isa ngomong yén ngalakukeun kahayang Allah, kaasup ngawawar, téh sarua jiga dahar?
Ceuk anjeun, ku naon urang bisa bungah mun ngabagikeun warta hadé?
Saran
Dina pasamoan tengah minggu, perhatikeun cara-cara nu bisa anjeun gunakeun pikeun ngamimitian obrolan.
Pék ngadaptar jadi siswa dina pasamoan tengah minggu. Tugas-tugas nu ditarima ku siswa téh bisa ngabantu supaya anjeun jadi leuwih siap pikeun ngawawar.
Gunakeun bagian ”Aya nu Ngomong” atawa ”Mun Aya nu Nanya” dina buku ieu supaya anjeun bisa ngajawab mun aya nu nanyakeun hiji hal atawa ngungkabkeun pamikiranana.
MUN AYA NU NANYA: ”Ayeuna keur sibuk naon?”
Kumaha anjeun bisa ngagunakeun kasempetan ieu pikeun ngawawarkeun warta hadé?
INTI BAB
Lamun urang ngawawarkeun warta hadé ka batur, urang bisa bungah. Terus, pikeun ngamimitianana téh sabenerna teu hésé-hésé teuing.
Nu geus dibahas
Ku naon urang perlu ngawawarkeun warta hadé ka batur?
Kumaha anjeun bisa ngawawarkeun warta hadé ku cara nu sopan?
Lamun anjeun sieun waktu rék ngawawarkeun warta hadé, anjeun kudu kumaha?
TINGALI OGÉ
Tingali opat cara saderhana pikeun ngawawar maké kartu jw.org.
Opat hal nu bisa ngabantu anjeun pikeun ngawawar.
”Na Sadérék Siap Jadi Tukang Ngala Jelema?” (Warta Hadé Séptémber 2020)
Tingali kumaha kisah dina Alkitab bisa ngabantu urang wani pikeun ngawawar, najan urang ngora kénéh.
Tingali kumaha carana méré nyaho bebeneran tina Alkitab ka kulawarga nu can pernah ngadéngé ngeunaan Yéhuwa.
”Ngageuing Haté Baraya nu Teu Saiman” (Warta Hadé 15 Maret 2014)