Titingalian nu Nguatkeun Iman

9:1-7

Bayangkeun parasaan Yésus waktu ngadéngé Bapa sawargana ngomong yén Mantenna nyaah ka anjeunna. Ieu pasti nguatkeun Yésus pikeun nyanghareupan kasangsaraan nu bakal datang. Titingalian ieu ogé nanceb dina haté Pétrus, Yakobus, jeung Yohanes. Hal ieu neguhkeun yén Yésus téh Mésias, teu salah salila ieu maranéhna geus percaya ka anjeunna. Kira-kira 32 taun sanggeusna, Pétrus masih inget kana kajadian ieu jeung kumaha baréto imanna kana ”dawuhan Allah” leuwih dikuatkeun.—2Pet 1:16-19.

Sanajan urang teu nyaksian titingalian nu luar biasa ieu, urang nyaksian kawujudna titingalian ieu. Ayeuna, Yésus keur maréntah sabagé Raja nu kawasa. Sakeudeung deui, musuh-musuhna bakal béak ’ditaluk-talukkeun’ sarta jalan ka dunya anyar dibuka.—Wahyu 6:2.

Kumaha nubuat Alkitab nu geus kawujud nguatkeun iman Sadérék?